ޗައިނާ ސަދަން އެއާލައިންސްހެ ދަތުރުތައް މި މަހު ރާއްޖެ އަށް ފެށުމަށް ހަމަޖެހިއްޖެ އެވެ.
އެ ދަރުތުތައް މި މަހުގެ 20 ގައި ފަށާނީ އެ ގައުމުގެ ގުއާންގްޒޫ އިން ވެލާނާ އިންޓަނޭޝަނަލް އެއާޕޯޓަށެވެ. އެގޮތުން ޗައިނާ ސަދަންގެ ދަތުރުތައް ހަފުތާއަކު ތިން ދުވަހު ބާއްވާނެ އެވެ. އެއީ ހުކުރު، ހޯމަ އަދި ބުދައިގަ އެވެ.
ޗައިނާގެ އެއާލައިންގެ ދަތުރުތައް ކޮވިޑާ ވިދިގެން ފާއިތުވި ތިން އަހަރު ހުއްޓިފައި އޮތުމަށް ފަހު، އަލުން ފެށީ މިދިޔަ މަހުގެ 18 ގަ އެވެ. އެއީ ބެއިޖިން ކެޕިޓަލް އެއާލައިނާ އެކީގަ އެވެ. މީގެ އިތުރުން އީސްޓަން އެއަލައިނާއި ހޮންގްކޮން އެއާލައިންގެ ދަތުރުތައް ވެސް ރާއްޖެ އަށް ޕްލޭންކޮށްފައިވެ އެވެ.
އީސްޓަން އެއާލައިންގެ ދަތުރުތައް ފަށާނީ މި މަހުގެ 4 ގަ އެވެ. އަދި ހޮންކޮންގް އެއާގެ ދަތުރުތައް ފަށާނީ މެއި މަހުގެ ތެރޭގަ އެވެ.
ޗައިނާ މިހާރު ހިމެނެނީ އެންމެ ގިނަ ޓޫރިސްޓުން ރާއްޖެ އަންނަ 10 ގައުމުގެ ލިސްޓްގެ 8 ވަނައިގަ އެވެ. ކޮވިޑްގެ ކުރިން އެ ގައުމަކީ ރާއްޖެ އަށް އެންމެ ގިނަ ޓޫރިސްޓުން އަންނަ ގައުމެވެ.