ސްކޫލް ނިންމާފައި ވަޒީފާގެ މައިދާނަށް ނިކުންނަ ގިނަ ކުދިން މަސައްކަތުގެ މާހައުލަށް ތައްޔާރު ނޫންކަން ފާހަގަކުރެވޭ ކަމަށް އެޑިއުކޭޝަން މިނިސްޓަރު ޑރ. އައިޝަތު ޢަލީ ވިދާޅުވެއްޖެ އެވެ.
މޯލްޑިވްސް ޕޯޓްސް ލިމިޓެޑް އެމްޕީއެލް) އިން ސްކޫލް ދަރިވަރުންނަށް ހާއްސަކޮށްގެން ކުރިަށް ގެންދިޔަ އިންޓާންޝޕް ޕްރޮގްރާމް ނިންމުމުގެ ރަސްމިއްޔާތުގައި މިނިސްޓަރު ވިދާޅުވީ އެ މައްސަލަ ޙައްލުކުރުމަށް ސްކޫލް ނިމުމުގެ ކުރިން ކުދިންނަށް ވަޒީފާގެ ޢަމަލީ ތަޖުރިބާ ލިބޭނެ މަގުފަހިކޮށް ދޭން ޖެހޭ ކަމަށެވެ.
Congratulations to all interns who have successfully completed our internship event.
We hope the experience and knowledge gained here would be useful in choosing a career path for the future. pic.twitter.com/DM0nzfziDH
— Maldives Ports Limited (@Portmv) February 1, 2023
މިނިސްޓަރު ވިދާޅުވި ގޮތުގައި ސްކޫލް ދައުރުގައި ގިނަ ކުދިންގެ ސަމާލުކަން ހުންނަނީ ހަމައެކަނި ފޮތްތަކާއި ސްކޫލްގެ ވެށީގެ ތެރެއިން ލިބިދޭ އެކި ފުރުސަތުތަކަށެވެ. ނަމަވެސް އޭގެ ބޭރުން ވިސްނަން ޖެހޭ ކަމަށާއި އެހެންވެ އެކަން އެންމެ ބޮޑަށް ފެންނަނީ ސްކޫލް ނިންމާ ދަރިވަރުން ވަޒީފާގެ މައިދާނަށް ނިކުމެ އޮފީސްތަކަށް ދާން ފެށުމުން އެ މާޙައުލަށް ދަރިވަރުން ތައްޔާރު ނޫންކަން ކަމަށް މިނިސްޓަރު ވިދާޅުވި އެވެ.
Completion Ceremony of our first ever internship programme is now underway at Meeruma Lounge.
This Internship Programme is aimed at providing secondary school students, information about the careers and opportunities available at Maldives Ports Limited. pic.twitter.com/NWel4RRIw4
— Maldives Ports Limited (@Portmv) February 1, 2023
"އޮފީސްތަކުގައި މަސައްކަތް ކުރާއިރު ފާހަގަކުރެވޭ ކަމެއް ސްކޫލް ނިންމާ ދަރިވަރުން މަސައްކަތުގެ މާޙައުލަށް ދާއިރު އެ މާޙައުލަށް ތައްޔާރު ނޫންކަން. ސްކޫލްގައި މިއޮންނަނީ ކިޔެވުމާއި ފޮތްތަކުގެ ހުންނަ ޢިލްމު ފޯރުކޮށްދިނުން،" މިނިސްޓަރު ވިދާޅުވި އެވެ. "ހަގީގީ މައިދާނުގައި ކިޔެވި އެއްޗެއް އެޕްލައި ކުރުމުގެ ފުރުސަތެއް ނޯވޭ. އެހެންކަމުން މިފަދަ އިންޓާންޝިޕްތަކުގެ އެންމެ ބޮޑު ބޭނުމަކީ އެފަދަ ހުނަރުތައް ދަސްކުރުން."
Chief guest Dr @aisthly and invitees had a look at the Portfolio of interns on display.
These portfolios are a summary of the work done during the one-month internship period at Maldives Ports Limited. pic.twitter.com/xUiyVK3PSd
— Maldives Ports Limited (@Portmv) February 1, 2023
މިނިސްޓަރު ވިދާޅުވީ އިންޓަންޝިޕްތަކުން ކުދިންނަށް އޮފީސްތަކަށް ދާ އިރު ހެދުން އެޅުމާއި އާންމު އަހުލާގީ މިންގަނޑު ހިފެހެއްޓުމާއި، ގަޑިއަށް ފަރުވާތެރިކޮށް ހިތުމާއި އެކި ވިސްނުމާއި ފިކުރުގެ އަދި އެކި ޢުމުރުގެ މީހުންނާ އެކީ އުޅެން ދަސްކުރުމުގެ ފުރުސަތު ލިބިގެންދާ ކަމަށެވެ. އެހެންވެ ބެލެނިވެރިންގެ ފަރާތުން ވެސް ދަރިވަރުންގެ ސްކޫލް ދައުރުގައި ކުދިންނަށް އެކި މަސއްކަތްތައް ތަޖުރިބާކުރުމުގެ ފުރުސަތުތައް ހޯދައި ދިނުމަށް މަސައްކަތްކޮށްދެއްވުމަށް އެދިވަޑައިގެންނެވި އެވެ.
މިދިޔަ އަހަރީ ޗުއްޓީގެ ތެރޭގައި މަތީ ސާނަވީ ސްކޫލް ކުދިންނަށް އަމާޒުކޮށް އެމްޕީއެލް އިން ކުރިއަށް ގެންދިޔަ އިންޓާންޝިޕް ބައިވެރިވެ 10 ކުއްޖަކު ދަސްވެނިވެފައިވެ އެވެ.
މޯލްޑިވްސް ޕޯޓްސް ލިމިޓެޑްގެ އިންޓަރންޝިޕް ޕްރޮގްރާމް ނިމުން ފާހަގަކުރުމަށް މިއަދު ބޭއްވި ޚާއްޞަ ރަސްމިއްޔާތު. މި ރަސްމިއްޔާތު ޝަރަފްވެރިކޮށްދެއްވީ މިނިސްޓަރ @aisthly pic.twitter.com/YWkrscQ1QP
— Ministry of Education (@MoEdumv) February 1, 2023
އެ ޕްރޮގްރާމްގެ ތެރެއިން ކުދިންނަށް ވަނީ ސިވިލް އިންޖިނިއަރިން އާއި އިލެކްޓްރިކަލް އިންޖިނިއަރިން އާއި އިންފޮމޭޝަން ޓެކްނޮލޮޖީ އާއި ޕްރޮޖެކްޓް މެނޭޖްމަންޓާއި މެޝިން އެންޑް ފެބްރިކޭޝންގެ އިތުރުން ފޮޓޮގްރަފީ އާއި ވީޑިއޯގްރަފީގެ ދާއިރާތަކުން ޢަމަލީ ތަޖުރިބާ ދީފައިވެ އެވެ.