މޯލްޑިވްސް ޑިވެލޮޕްޓްމަންޓް އެލައިން (އެމްޑީއޭ) ގެ ލީޑަރު އަދި މީދޫ ދާއިރާގެ މަޖިލިސް މެންބަރު އަހުމަދު ސިޔާމް މުހައްމަދު (ސަން ސިޔާމް) އަށް ސިޔާސީ އިސް މަގާމެއް ލިބިވަޑައިގެންފި އެވެ.
މަޝްހޫރު ވިޔަފާވެރިޔާ އަށް ލިބުނީ ރުމޭނިއާ އިން ރާއްޖެ އަށް ކަނޑައަޅާ އޮނަރަރީ ކޮންސުލްގެ މަގާމެވެ. ސިޔާމަށް މިދިޔަ އަހަރުގެ ފަހުކޮޅު ލިބިވަޑައިގަތް އެ މަގާމު ސަރުކާރުން ގަބޫލުކުރިކަމުގެ ލިޔުން ފޮރިން މިނިސްޓަރު އަބްދުﷲ ޝާހިދު އިއްޔެ ވަނީ ސިޔާމާ ހަވާލުކޮށްފަ އެެވެ.
It was a great pleasure to issue the Exequatur to Mr. Ahmed Siyam Mohamed (@Sun_Siyam), newly appointed Honorary Consul of #Romania to #Maldives, yesterday.
I am confident that this appointment will contribute to expedite the ongoing cooperation between 🇲🇻 and 🇷🇴. pic.twitter.com/mKQRXX7jHy
— Abdulla Shahid (@abdulla_shahid) February 2, 2023
ޝާހިދު ކުރެއްވި ޓްވީޓެއްގައި ވިދާޅުވެފައި ސިޔާމް އެ މަގާމަށް އައްޔަން ކުރުމާ ގުޅިގެން ދެ ގައުމުގެ ގުޅުން އިތުރަށް ބަދަހިވާނެ ކަމަށް އުއްމީދު ކުރައްވާ ކަމަށް ވިދާޅުވެފައިވެ ވެ. އޮނަރަރީ ކޮންސުލްއަކީ ގައުމުތަކުން އެހެން ގައުމުތަކަށް ކަނޑައަޅާ ރަމްޒީ މަގާމެކެވެ. އެ މަގާމަށް އާންމުކޮށް އައްޔަން ކުރާނީ ވެސް އެ ގައުމެއްގެ ރައްޔިތެކެވެ. ރުމޭނިއާގެ އިތުރުން އެހެން ބައެއް ގައުމުތަކުން ވެސް ރާއްޖެ އަށް އޮނަރަރީ ކޮންސުލްގެ މަގާމަށް ދިވެހި އައްޔަންކޮށްފައިވެ އެވެ.
ސިޔާމަކީ މި އަހަރުގެ ރިޔާސީ އިންތިހާބުގައި ވާދަކުރައްވާނެކަން އިއުލާންކުރައްވާފައިވާ ބޭފުޅެކެވެ. އަދި އޭނަ މިދިޔަ އަންގާރަ ދުވަހު ރައީސް އިބްރާހީމް މުހައްމަދު ސޯލިހާ ވެސް ބައްދަލުކުރައްވާފައިވެ އެވެ. ނަމަވެސް އެ ބައްދަލުވުމާ ބެހޭ ތަފުސީލެއް ހާމަކޮށްފައެއް ނުވެ އެވެ.