ރައީސް އިބްރާހީމް މުޙައްމަދު ޞާލިޙް އޮލިމްޕަސް އަލުން ހުޅުވައިދެއްވައިފި އެވެ.
އޮލިމްޕަސް އަލުން ހުޅުވައިދެއްވީ އެކަމަށް މިރޭ އޮލިމްޕަހުގައި ބޭއްވި ޙަފްލާއެއްގަ އެވެ.
މި ޙަފްލާގައި ރައީސުލްޖުމްހޫރިއްޔާގެ އަނބިކަނބަލުން ފަޒްނާ އަޙްމަދާއި އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ ސަފީރާއި ވަޒީރުންގެ އިތުރުން މުނިފޫހިފިލުވުމުގެ ދާއިރާގެ އިސް ބޭފުޅުން ބައިވެރިވެވަޑައިގެންނެވި އެވެ.
ޒަމާނީ ފެންވަރަށް ވަޞީލަތްތައް ތަރައްޤީ ކުރުމަށްފަހު އޮލިމްޕަސް ތިއޭޓަރ އަލުން ހުޅުވައިފި. މިރޭ ބޭއްވި ޙަފްލާއެއްގައި އޮލިމްޕަސް އަލުން ހުޅުއްވައިދެއްވީ ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙު.
1/2@ibusolih @yumna_maumoon @AmbMunu pic.twitter.com/4y8qzXI21j— Ministry of Arts, Culture and Heritage (@MoACHmv) February 4, 2023
އޮލިމްޕަސް ތަރައްޤީކުރުމުގެ މަޝްރޫޢު ކުރިޔަށްގެންގޮސްފައިވަނީ ދައުލަތުގެ ބަޖެޓާއި އިންޑިއާ ސަރުކާރުގެ"ހައި އިމްޕެކްޓް ކޮމިއުނިޓީ ޑިވެލޮޕްމަންޓް ޕްރޮޖެކްޓްސް" ގެ ގްރާންޓުގެ ދަށުންނެވެ. އޮލިމްޕަސް އަލުން ހުޅުވާފައި މި ވަނީ އެތަން އިތުރަށް ތަރައްޤީކޮށް ޒަމާނީ އެތައް ބަދަލުތަކަކާއެކުގަ އެވެ.
މި ރަސްމިއްޔާތުގައި މިނިސްޓަރ ޔުމްނާ މައުމޫން އާއި ދިވެހިރާއްޖޭގައި ހުންނަވާ އިންޑިއާގެ ސަފީރު މުނޫ މަހާވަރް އަދި ބައެއް ވަޒީރުންނާއި މި ވުޒާރާ އާއި އެންސީއޭގެ އިސްވެރިންނާއި ގިނަ އަދަދެއްގެ ފަންނާނުން ބައިވެރިވެވަޑައިގެންނެވި.
2/2@yumna_maumoon @AmbMunu @presidencymv @NCA_MDV pic.twitter.com/Mp1DYRqDpy— Ministry of Arts, Culture and Heritage (@MoACHmv) February 4, 2023
މި ގެނެވުނު ބަދަލުތަކާއެކު ދިވެހި ފިލްމުތައް ސްކްރީން ކުރުމުގައި އިތުރު ފުރިހަމަ ކަމެއް ލިބިގެންދާނެގޮތަށް ޚިދުމަތްތަކާ ވަޞީލަތްތައް ވަނީ ތަރައްޤީކޮށްފަ އެވެ.
This evening, President @ibusolih and First Lady Fazna Ahmed attended the reopening of the newly upgraded and modernised Olympus building. The upgrading project was funded by the administration and grant aid of the government of India and features significant improvements. pic.twitter.com/hPLM6MMzUl
— The President's Office (@presidencymv) February 4, 2023
އެގޮތުން މާލޭގައި މިއުޒިކު ޝޯތައް ބޭއްވުމާއި، ރާއްޖޭގައި އުވެމުންދާ ސްޓޭޖް ތަމްސީލް ކުޅުމުގެ ފުރުސަތު ފަހިވާގޮތައް ބަދަލުތައް ގެނެސްފައި ވުމާއި މިއުޒިކާއި ނެށުމަށް ޚާއްޞަ ޕްރެކްޓިސް ރޫމް ތަރައްޤީކުރުމުގެ އިތުރުން އޮލިމްޕަސްގެ ބެކްޔާޑްވެސް ވަނީ ތަފާތު ހަރަކާތްތައް ބޭއްވޭގޮތަށް ތަރައްގީކޮށް ޚިދުމަތްތަކާއި ވަޞީލަތްތައް އިތުރަށް ތަރައްޤީކޮށްފަ އެވެ.
މީގެ 64 އަހަރުކުރިން ހުޅުވި އޮލިމްޕަހަކީ އެތައް ފަންނުވެރި އުފެއްދުންތަކާއި އަދި އެތަކެއް ފަންނާނުންނެއް އުފެއްދުންތެރިކަން ފެށުމާ ގުޅިފައިވާ މުހިންމު ބިނާއެކެވެ.