އައްޑޫގެ ފެހެލަކިޅި ސަރަހައްދުގައި ހަދަން ނިންމާފައިވާ ދެކުނުގެ އާޓްސް އެންޑް ކަލްޗަ ސެންޓަރުގެ ކޮންސެޕްޓު ތައްޔާރުކުރާނެ ބަޔަކު ހޯދަން އާޓްސް މިނިސްޓްރީން ހުޅުވާލައިފި އެވެ.
އެ މިނިސްޓްރީން ބުނީ މިކަމަށް ޝައުގުވެރިވާ ފަރާތްތަކަށް ބީލަން ހުށަހެޅުމުގެ ފުރުސަތު އަންނަ މަހުގެ 5 އާ ހަމައަށް ހުޅުވާލާފައިވާ ކަމަށެވެ. މިކަމާ ބެހޭ ގޮތުން މައުލޫމާތު ދޭން ބާއްވާ ސެޝަނެއް މި މަހުގެ 19 ވަނަ ދުވަހުގެ ހެނދުނު 11:00 ގައި އާޓްސް މިނިސްޓްރީގައި އޮންނާނެ އެވެ.
އެ މިނިސްޓްރީން ބުނީ މި މަސައްކަތްދޭން ކުދި އަދި މެދު ފަންތީގެ ވިޔަފާރީ ދަފުތަރުގައި ރަޖިސްޓްރީކޮށްފައިވާ ހުރިހާ ފަރާތްތަކަށް ފުރުސަތު އޮންނާނެ ކަމަށެވެ. މިކަމާ ބެހޭ އިތުރު މައުލޫމާތު 3036999 ނަމްބަރުން ހޯދޭނެ އެވެ.