މާލޭގެ މިސްކިއްތަކެއްގައި ޤުރުއާން ހިތުދަސް ކްލާސްތަކެއް ހިންގުމަށް ކައުންސިލުން އުޔޫން އިންސްޓިޓިއުޓާ އެކީ އެއްބަސްވުމެއްގައި ސޮއިކޮށްފި އެވެ.
ކައުންސިލްގެ ފަރާތުން އެއްބަސްވުމުގައި ސޮއިކުރެއްވީ މޭޔަރު ޑރ. މުހައްމަދު މުއިއްޒެވެ. އިންސްޓިޓިއުޓްގެ ފަރާތުން ސޮއިކުރެއްވީ އެތަނުގެ ރައީސް ޑރ. އަލީ ޒާހިރެވެ.
އަމިއްލަ ޖަމިއްޔާއެއް ކަމަށްވާ އުޔޫން އިންސްޓިޓިއުޓްގެ އިސްނެގުމާއިއެކު މާލެ ސިޓީގައި ހިމެނޭ މިސްކިތްތަކުގެ ތެރެއިން 4 މިސްކިތެއްގައި ހިލޭ ސާބަހަށް ޤުރުއާން ހިތުދަސްކުރުމުގެ ކްލާސްތަކެއް ހިންގުމަށް މާލެ ސިޓީ ކައުންސިލާއި އުޔޫން އިންސްޓިޓިއުޓް އާއިދެމެދު ފަހުމުނާމާގައި ސޮއިކުރުން. pic.twitter.com/G9W0Oi0Xu2
— Male' City Council (@MaleCitymv) February 12, 2023
ކައުންސިލުން ބުނީ މާލޭގެ މިސްކިތްތަކުގައި ހިންގަން ނިންމާފައިވާ ޤުރުއާން ކްލާސްތަކަކީ އުޔޫން އިންސްޓިޓިއުޓްގެ އަމިއްލަ އިސްނެގުމަށް ކުރިއަށް ނިންމި ކަމެއް ކަމަށެވެ. އެގޮތުން އެ ޖަމިއްޔާއިން މާލޭގެ ހަތަރު މިސްކިތެއްގައި ކްލާސްތައް ނަގައިދޭން ހަމަޖެހިފައިެވ އެވެ.
މިއީ ހިލޭ ބައިވެރިވެވޭ ގޮތަށް ކުރިއަށް ގެންދަން ނިންމާފައިވާ ކްލާސްތަކެކެވެ.