އެމްޑީޕީގެ ރިޔާސީ ޕްރައިމަރީ ކާމިޔާބު ކުރެއްވި ރައީސް އިބްރާހީމް މުހައްމަދު ސޯލިހަށް ޓިކެޓް ހަވާލުކުރަން އަންނަ ހުކުރު ދުވަހުގެ ރޭ ބާއްވާ ޖަލްސާ އަކީ އިދިކޮޅު ސިއްސައިގެންދާ ވަރުގެ ބޮޑު ޖަލްސާއަކަށް ވާނެ ކަމަށް މަރަދޫ ދާއިރާގެ މަޖިލިސް މެމްބަރު އިބްރާހީމް ޝަރީފު (މަވޯޓާ) ވިދާޅުވެއްޖެ އެވެ.
އޭނަ ކުރެއްވި ޓްވީޓެއްގައި ވިދާޅުވީ އެ ޖަލްސާ ފިސާރި ބޮޑު ޖަލްސާއަކަށް ވާނެ ކަމަށެވެ.
"ދިހަހާސް މީހުން ޖަލްސާގައި ބައިވެރިވާނެ ކަމަށް އަންދާޒާ ކުރެވޭ." މަވޯޓާ ވިދާޅުވި އެވެ.
Riyaasee ticket @ibusolih aa havaalu kurumah MDP in baavaa jaslaa vegen dhaanee idhikolhu faraaithah sissaigen dhaafadha fisaari bodu jalsa akah.10 k meehun jalsaa ga baiveri vaane kamah andhaazaa kurevey. MDP is alive and kicking in spite of a bit of factional bickering.
— Ibrahim Shareef (@AdduShareef) February 14, 2023
އޭނަ ވިދާޅުވީ ޕްރައިމަރީން ބަލިވެވަޑައިގަތުމުން އެމްޑީޕީގެ ރައީސް މުހައްމަދު ނަޝީދު ވަކި ފެކްޝަނަކަށް މަސައްކަތް ކުރެއްވިޔަސް އެމްޑީޕީ އޮންނާނީ ގަދަކޮށް ދިރިދިރި ކަމަށެވެ. ރައީސާ ވާދަކޮށް ބޮޑު ތަފާތަކުން ބަލިވެވަޑައިގެން ރިޔާސީ ޓިކެޓް ގެއްލިވަޑައިގަތުމުން ނަޝީދު ގެންދަވަނީ "ފިކުރެއްގެ ދިރުން" ގެ ނަމުގައި ޕާޓީ ތެރޭގައި ވަކި ސިޔާސީ ހަރަކާތެއް ހިންގަވަން މަސައްކަތް ކުރައްވަމުންނެވެ. އަދި އެކަމަށް އަންނަނީ ސަޕޯޓަރުން ލައްވައި ސޮއިކުރައްވަމުންނެވެ.
ޕްރައިމަރީގެ ދާއިމީ ނަތީޖާތައް ދައްކާ ގޮތުން ނަޝީދަށް ލިބިވަޑައިގަތީ 15،641 ވޯޓެވެ. އެއީ ވޯޓްލީ މީހުންގެ 38.90 ޕަސެންޓެވެ. ރައީސަށް ލިބިވަޑައިގަަތީ 24،566 ވޯޓެވެ. އެއީ ވޯޓްލީ މީހުންގެ 61.10 ޕަސެންޓެވެ. ވޯޓެވެ.
ރައީސަށް ރިޔާސީ ޓިކެޓް ހަވާލުކުރަން ބާއްވާ ޖަލްސާ އޮންނާނީ ހުކުރު ދުވަހުގެ ރޭ ކާނިވާ ސަރަހައްދުގަ އެވެ.