އެމްޑީޕީގެ ރިޔާސީ ޕްރައިމަރީން ބަލިވެވަޑައިގަތް އެ ޕާޓީގެ ރައީސް މުހައްމަދު ނަޝީދު ބަލި ގަބޫލުނުކުރައްވައި ޕާޓީ ފުނޑާލ؛ން މަސައްކަތްކުރައްވާތީ ނަޝީދަށް މިހާރު އޮތް އެންމެ ރަނގަޅު ގޮތަކީ ޕާޓީގެ ރައީސްގެ މަގާމުން އިސްތިއުފާ ދެއްވުން ކަމަށް މަރަދޫ ދާއިރާގެ މަޖިލިސް މެމްބަރު އިބްރާހީމް ޝަރީފު މަވޯޓާ ވިދާޅުވެއްޖެ އެވެ.
ނަޝީދަށް ތާއީދުކުރާ މެމްބަރަކު މިހާރު ވަނީ މިހާރު ޕްރައިމަރީ ބާތިލުކޮށް ދޭން ކޯޓަށް ވެސް ހުށަހަޅައިފަ އެވެ. މިދިޔަ މަހުގެ 28 ގައި ބޭއްވި ޕްރައިމަރީ ބާތިލުކޮށް، އަލުން ޕްރައިމަރީ ބާއްވައި ދިނުމުގެ އަމުރަކަށް އެދި ސިވިލް ކޯޓަށް ހުށަހެޅުއްވީ ނަޝީދަށް ތާއީދުކުރައްވާ ޕޮލިސް ބޯޑުގެ މެމްބަރު އަދި ރައްޔިތުންގެ މަޖިލީހުގެ ހެންވޭރު ދެކުނު ދާއިރާގެ ކުރީގެ މެމްބަރު ހާމިދު އަބްދުލްޣަފޫރެވެ.
މައްސަލަ ކޯޓަށް ހުށަހަޅާފައި މި ވަނީ މާދަމާ ރޭ ރައީސަށް ރަސްމީކޮށް ޓިކެޓް ހަވާލުކުރަން ޖަލްސާއެއް ބާއްވަން ވެސް ތައްޔާރުވެފައި ވަނިކޮށެވެ.
MDP ge leadership ge thibbevi baeh beyfulhun partyge Raees @MohamedNasheed ves himeney gothun partyge aamu memberun vote in nimmi goi gaboolu nukuravvaa partyah kuriyah oi riyaasee inthikhaabu gelluvaalan masakkaiy kuravvaa kurevvumakee Party ge asaasee gavaaidhaa khilaafu kameh
— Ibrahim Shareef (@AdduShareef) February 16, 2023
މަވޯޓާ މިއަދު ކުރެއްވި ޓްވީޓްތަކެއްގައި ވިދާޅުވީ ނަޝީދު ބަލި ގަބޫލުނުކުރެއްވުމަކީ ޑިމޮކްރަސީގެ އުސޫލުތަކާ ވެސް ދެކޮޅު އަމަލެއް ކަމަށެވެ.
"ޕާޓީގެ އައުލަބިއްޔަތުން ނިންމާ ނިންމުންތަކާ ފާޅުގައި ދެކޮޅު ހައްދަވައި ކަނޑައެޅިގެން އަސާސީ ގަވައިދާ ހިލާފަށް އަމަލުކުރާ ބަޔަކު ޕާޓީގެ ލީޑަޝިޕް މަގާމުގައި ތިބުމަކީ ކޮށްގެން ވާނެ ކަމެއް ނޫން. އެކަން ހުއްޓާލަން ގޮވާލަން،" މަވޯޓާ ވިދާޅުވި އެވެ. "އުފެދޭ ސުވާލަކީ އެމްޑީޕީގެ ލީޑަޝިޕްގައި ހިމެނޭ ބައެއް ބޭފުޅުންނަށް ޕާޓީގެ މެމްބަރުންގެ އައުލަބިއްޔަތުން ނިންމުންތަކާ ދެކޮޅު ހަދައި ޕާޓީގެ އަސާސީ ގަވައިދާ ކަނޑައެޅިގެން ދެކޮޅު ހަދަމުން މަގާމުތަކުގައި ދެމިތިއްބެވިދާނެތޯ؟ ރަނގަޅު ގޮތަކީ ނަޝީދު] މަގާމުން އިސްތިއުފާ ދިނުން."
Ufedhey suvaaleh MDP ge leadership ga himeney baeh beyfulhunnah party ge memberun ge aghlabiyyathun nimmaa nimmun thakaa dhekolhu hadhaa party ge asaasee gavaaidhaa kada elhigen dhekolhu hadhamun magaamuga dhemi thibevi dhaane tho? Ragalhu gothakee magaamun isthiufaa dhevvun
— Ibrahim Shareef (@AdduShareef) February 16, 2023
އޭނާ ވިދާޅުނީ ނަޝީދު ކަން ކުރައްވަނީ ހުދުމުހުތާރު މީސްމީހުން ކަންކަން ކުރައްވާ އުސޫލުން ކަމަށެވެ.
"ޕާޓީ ފުނޑާލަން މަސައްކަތް ކުރުމަކީ ރައްޔިތުންގެ މަސްލަހަތާ މެދު ފިކުރު އެއްވެސް މީހަކު ކުރާނެ ކަމެއް ނޫން." މަވޯޓާ ވިދާޅުވި އެވެ. "ތިމާ އެދޭ ގޮތް ނޫން އެހެން އެއްވެސް ގޮތެއް ގަބޫލު ނުކުރުމަކީ ހުދުމުހުތާރުކަމުގެ ސިފައެއް."
Party ge memeberunge aghlabiyyarhun nimmi nimmun qaboolu nukoh party fudaalan masakkaiy kurumakee rayyithunge masalahathaa medhu fikru kuraa evves meehaku kuraane kameh noon. Thimaa edhey goi noon ehen evves gotheh gaboolu nukurumakee khodhumukhuthaaru kamuge sifaeh.
— Ibrahim Shareef (@AdduShareef) February 16, 2023
ރައީސް އިބްރާހީމް މުހައްމަދު ސޯލިހާ ވާދަކުރައްވައި ނަޝީދު ޕްރައިމަރީން ބަލިވެވަޑައިގަތީ ބޮޑު ތަފާތަކުންނެވެ. ޕްރައިމަރީގެ ދާއިމީ ނަތީޖާތައް ދައްކާ ގޮތުން ނަޝީދަށް ލިބިވަޑައިގަތީ 15،641 ވޯޓެވެ. އެއީ ވޯޓްލީ މީހުންގެ 38.90 ޕަސެންޓެވެ. ރައީސަށް ލިބިވަޑައިގަަތީ 24،566 ވޯޓެވެ. އެއީ ވޯޓްލީ މީހުންގެ 61.10 ޕަސެންޓެވެ.
ނަޝީދު މިހާރު ގެންދަވަނީ "ފިކުރެއްގެ ދިރުން" ގެ ނަމުގައި އެމްޑީޕީގެ ތެރޭގައި ވަކި ސިޔާސީ ހަރަކާތެއް ހިންގަވަން މަސައްކަތްކުރަމުންނެވެ. އަދި އެކަމަށް ސަޕޯޓަރުން ލައްވައި ސޮއިކުރުވަމުން ގެންދަވާ އިރު، މިހާތަނަށް 50،000 މީހުން ސޮއިކޮށްފައިވާ ކަމަށް ބުނެފައިވެ އެވެ.