ޕީޕީއެމް ހުޅުމާލެ ދާއިރާގެ ރައީސް އަބްދުއްސަމަދު އިންޑިއާގެ އިމިގްރޭޝަނުން ހިފެހެއްޓި މައްސަލައިގައި ޑިފެންސް މިނިސްޓަރު މާރިޔާ ދީދީ ދެއްކެވި ވާހަކައަކާ ގުޅިގެން އޭނާއަށް ފާޑުކިޔުން އަމާޒުވެއްޖެއެވެ.
ރައީސް އިބްރާހިމް މުހައްމަދު ސޯލިހަށް އެމްޑީޕީގެ ރިޔާސީ ޓިކެޓް ހަވާލުކުރުމަށް ރޭ ބޭއްވި ޖަލްސާގައި ވާހަކަ ދައްކަވަމުން މިނިސްޓަރު މާރިޔާ ވަނީ ސަމަދު އިންޑިއާގައި ހިފެހެއްޓި މައްސަލައާ ގުޅުވާ ވާހަކަ ދައްކަވާފައެވެ.
ވަކި މީހެއްގެ ނަން ވިދާޅުނުވެ މާރިޔާ ވިދާޅުވީ، ރާއްޖޭގެ އަވައްޓެރި ގައުމެއްގެ މިލިޓަރީއަށް ގޮންޖައްސަވާ ވާހަކަ ދެއްކެވި ބޭފުޅުންގެ ތެރޭގައި ކުރީސަފުގައި ޖަޑިބަކަށް ހުރި ބޭފުޅެއް އެ ގައުމަށް ވަޑައިގެންނެވި ކަމަށެވެ. އެ ގައުމުގައި އޭނާ ހިފަހައްޓާފައި އިނީ އިމިގްރޭޝަންގެ ފިނި ކޮޓަރިއެއްގައި ކަމަށާއި އެހެންނަމަވެސް އެނބުރި ރާއްޖެ ވަޑައިގަތީ ކީރިތި ކުރައްވަމުން ކަމަށެވެ.
"މިވަރު މީހުން މި އުޅެނީ." މަޖާޒީ ގޮތެއްގައި މާރިޔާ ވިދާޅުވިއެވެ.
މާރިޔާގެ ވާހަކައާ ގުޅިގެން ސޯޝަލްމީޑިއާގައި ގިނަ ބަޔަކު އަންނަނީ މާރިޔާއަށް ފާޑުކިޔަމުންނެވެ.
އެގޮތުން ކުރީގެ އެސިސްޓެންޓް ކޮމިޝަނާ އޮފް ޕޮލިސް ޑރ. އަބްދުﷲ ފައިރޫޝް ކުރެއްވި ޓްވީޓެއްގައި ވިދާޅުވީ މާރިޔާގެ ވާހަކަތަކަކީ އެއްގޮތަކަށްވެސް ބަލައިގަނެވޭނެ ވާހަކަތަކެއް ނޫން ކަމަށެވެ. އަދި އެ ވާހަކަތަކުގެ ސަބަބުން މާރިޔާގެ ކެރެކްޓަރާ މެދު ސުވާލު އުފެދޭ ކަމަށެވެ.
Unacceptable, Minister @MariyaDidi!
By mocking a Maldivian citizen at a political podium you have not humiliated the retiree but made the public question the strength of your character, which is among the basic qualities expected in a minister, especially defense minister. https://t.co/717fRexkAA
— Dr. Phairoosch (@Phairoosch) February 17, 2023
އެމްއެންޑީއެފްގެ ކުރީގެ ކެޕްޓަން އަލީ އިހުސާން ކުރެއްވި ޓްވީޓެއްގައި ވަނީ މާރިޔާއަކީ ރާއްޖޭގެ ޑިފެންސް މިނިސްޓަރުކަން ހަނދުމަފުޅުކޮށް އަރުވާކަމަށް ވިދާޅުވެފައެވެ. އަދި ރާއްޖޭގެ ސަލާމަތީ ހިދުމަތުގައި އުޅުއްވި ބޭފުޅަކަށް ހަޖޫޖައްސަވައި ބޭރުގެ އަސްކަރިއްޔާއަށް ސަނާ ދެންނެވުން ބަލައިގަނުގަނެވޭނެ ކަމަށެވެ.
Defence Ministerah handhumafulhukoh aruvan. Thiyaee “Dhivehi Raajjeyge” Defence Minister. Indiage Defence ministereh noon. Dhivehi Raajjeyge Salaamathee Khidhumathugai Ulhuhvvi beyfulhakah hajoo Jassavai Beyruge askariyyathakah sanaa dhennevun balaeh nuganevey. https://t.co/1b9RgRDULb
— Ali Ihusaan (@ali_ihusaan) February 17, 2023
ކޮންމެ ޕާޓީއަކަށް ނިސްބަތްވިއަސް ދިވެހިރައްޔިތަކަށް ދިމާވާ ކަންކަމުގަ އެހީތެރިކަން ފޯރުކޮށްދިނުމަކީ ސަރުކާރުގެ މައްޗަށް ވާޖިބުކަމެއް. އޭގެބަދަލުގަ ފުރައްސާރަކޮށް މަލާމަތްކުރުމުން އެގެނީ މިސަރުކާރުގެ ބައެއް ވަޒީރުންގެ ފެންވަރު. މިވަރުގެ މީހުން ވަޒީރުކަމުގަ ބައިތިއްބަން ހެޔޮނުވާނެ. https://t.co/vQ8hwdzgzB
— Ahmed Usham (@a_usham) February 18, 2023
އާއިލާއާއެކު ބޭސް ފަރުވާއަށް ސަމަދު އިންޑިއާގެ ބެންގަލޫރުގައި ހުއްޓާ އިންޑިއާގެ އިމިގްރޭޝަންގެ ބެލުމުގެ ދަށަށް ގެންދިއުމަށްފަހު ވަނީ ޑީޕޯޓްކޮށްލާފައެވެ. ސަމަދު ވިދާޅުވީ އޭނާއާ ދޭތެރޭ ކަންތައްތައް ކުރީ ވަރަށް ހަރުކަށިކޮށް ކަމަށާއި އެގޮތުން ކާއެއްޗެއް ނުދީ 18 ގަޑިއިރު ވަންދެން ބެހެއްޓި ކަމަށެވެ. އަދި ބެހެއްޓީ ވެސް ވަރަށް ފިނި ކޮޓަރިއެއްގައި ކަމަށެވެ.