ދިވެހިންނަށް މިހާރު ވިސާއާ ނުލައި ޗައިނާ އަށް ދަތުރުކުރެވޭނެ އިންތިޒާމު ހަމަޖައްސައިފި އެވެ.
އެގޮތުން ކުރިން ވިސާ ނެގުމަކާ ނުލައި ދިވެހިންނަށް ޗައިނާއަށް ދަތުރުކުރެވޭނެ ގޮތަށް 30 ދުވަހުގެ އޮން އެރައިވަލް ވިސާ ދޫކުރަން ވަނީ ފަށައިފަ އެވެ. މިކަން ރިން މިނިސްޓަރު އަބްދުﷲ ޝާހިދު ކުރެއްވި ޓްވިޓެއްގައި ވެސް ހިއްސާކުރައްވާފައިވެ އެވެ.
ރާއްޖެ އާއި ޗައިނާގެ ގުޅުމަށް މިދިޔަ އަހަރު 50 އަހަރު ވެސް ފުރިފައިވާ އިރު، އެ ގައުމަކީ މިހާރު ރާއްޖޭގެ އެކި ގޮތްގޮތުން އެހީތެރިކަން ފޯރުކޮށް ދެމުން އަންނަ ގައުމެކެވެ.
Pleased that the Agreement on Mutual Visa Exemption between Maldives 🇲🇻 & China 🇨🇳 has officially entered into force
Maldivians will be able to travel to China without a visa on a 30 day visa-free basis
Agreement was signed during visit of State Councillor Wang Yi in Jan 2022 pic.twitter.com/xWY1qdLR7p
— Abdulla Shahid (@abdulla_shahid) February 17, 2023
އެގޮތުން މިދިޔަ އަހަރު ދެ ގައުމުން އިތުރު ހަތަރު އެއްބަސްވުމެއްގައި ސޮއިކޮށްފައިވެ އެވެ. އެއީ ސިއްހީ ދާއިރާ އިން ގުޅުން ބަދަހިކުރުން ކުރިއަށް ގެންދިޔުމާއި އިގުތިސޯދީ އަދި ފަންނީ ދާއިރާއިން ގުޅުން ބަދަހިކުރުމަށް ޗައިނާއިން ރާއްޖެއަށް 62.8 މިލިއަން ޑޮލަރުގެ ހިލޭ އެހީ ދިނުމާއި ސިނާލެ ބްރިޖްގެ މަރާމާތުގެ މަސައްކަތް ޗައިނާ ސަރުކާރުގެ އެހީގައި ކުރިއަށްގެންދިޔުމުގެ އެއްބަސްވުމުގެ އިތުރުން ޗައިއާގެ އެހީގައި ފަސް ރަށެއްގައި މައިކްރޯގްރިޑް ސީވޯޓާ ޑީސެލިނޭޝަން ޕްލާންޓް ގާއިމްކުރުމެވެ.
ރާއްޖެ އާއި ޗައިނާއާ ދެމެދު ސިޔާސީ ގުޅުން ގާއިމްކުރީ އެޕްރީލް 15، 1972 ގަ އެވެ.
ޗައިނާ އަކީ ރާއްޖެ އަށް އެންމެ ގިނައިން ޓޫރިސްޓުން އަންނަ އެއް ގައުމެވެ.