ރޭގެ ޖަލްސާގައި ދެއްކި ވާހަކަތަކާ ގުޅިގެން އަމާޒުވަމުން އަންނަ ފާޑުކިޔުންތަކަށް ޑިފެންސް މިނިސްޓަރު މާރިޔާ ދީދީ ރައްދު ދެއްވައިފިއެވެ.
ރައީސް އިބްރާހިމް މުހައްމަދު ސޯލިހަށް އެމްޑީޕީގެ ރިޔާސީ ޓިކެޓް ހަވާލުކުރުމަށް ރޭ ބޭއްވި ޖަލްސާގައި ވާހަކަ ދައްކަވަމުން މިނިސްޓަރު މާރިޔާ ވަނީ، ޕީޕީއެމް ހުޅުމާލެ ދާއިރާގެ ރައީސް އަބްދުއްސަމަދު އިންޑިއާގެ އިމިގްރޭޝަނުން ހިފެހެއްޓި މައްސަލައާ ގުޅުވާ ވާހަކަ ދައްކަވާފައެވެ.
މާރިޔާގެ ވާހަކަތަކާ ގުޅިގެން ސޯޝަލްމީޑިއާގައި ގިނަބަޔަކު އަންނަނީ މާރިޔާއަށް ފާޑުކިޔަމުންނެވެ.
އެ ފާޑުކިޔުންތަކަށް ރައްދު ދެއްވާ ކުރެއްވި ޓްވީޓެއްގައި މާރިޔާ ވިދާޅުވީ، ގައުމުތަކަށް ހިތުހުރި އެއްޗެއް ނުގޮވުމަށް ބުނުމުންވެސް އެކަން ކުރުމަށްފަހު އެ ގައުމުތަކަށް ދިއުމުން އެތަނުން ފޮނުވާލުމުން ރޯންޖެހޭ ރުއިން ފެންނަ ކަމަށެވެ. އެފަދަ ކަމެއް އިތުރު ރައްޔިތަކަށް ނުވުމަށްޓަކާވެސް އެފަދަ ވާހަކަތައް ދައްކަން ކެރެންޖެހޭ ކަމަށް މާރިޔާ ވިދާޅުވިއެވެ.
“Alhugandumen zarooree beynun thakah dhaan jehey qawm thakey, hithu huri eccheh nugovaashey” bune bune thibbaa, hithuhuri eccheh govaafa gos e qawm ah ereema, ethanun fonuvaaleema e roan jehey ruvun feni, egothah ithuru rayyithakah nuvumah takaa ves evaahaka dhakkan keren jehey!
— Mariya Didi 🎈 (@MariyaDidi) February 18, 2023
އާއިލާއާއެކު ބޭސް ފަރުވާއަށް ސަމަދު އިންޑިއާގެ ބެންގަލޫރުގައި ހުއްޓާ އިންޑިއާގެ އިމިގްރޭޝަންގެ ބެލުމުގެ ދަށަށް ގެންދިއުމަށްފަހު ވަނީ ޑީޕޯޓްކޮށްލާފައެވެ.