ޖަލު ހުކުމަކާ ހެދި މިހާރު ރިޔާސީ އިންތިހާބުގައި ވާދަކުރެއްވުމުގެ ފުރުސަތު އިދިކޮޅު ކޯލިޝަންގެ ކެންޑިޑޭޓް އަބްދުﷲ ޔާމީނަށް ގެއްލިފައިވުމުން އެ މަނިކުފާނާ ނުލައި ވެސް އެ ކޯލިޝަނުން އިންތިހާބުގައި ވާދަކުރާނެ ކަމަށް އެމްޑީޕީ އަށް ނިސްބަތްވާ މަރަދޫ ދާއިރާގެ މަޖިލިސް މެމްބަރު އިބްރާހީމް ޝަރީފު (މަވޯޓާ) ވިދާޅުވެއްޖެ އެވެ.
އޭނަ ކުރެއްވި ޓްވީޓްތަކެއްގައި ވިދާޅުވީ ޕީޕީއެމާއި ޕީއެންސީ އަށް ޔާމީނާ ނުލައި ވެސް އިންތިހާބުގައި ވާދަކުރަން މަޖުބޫރުވާނެ ސަބަބުތަކެއް އެބަހުރި ކަމަށެވެ.
Bodu dhe party PPM aa MDP in Riyaasee inthikhaabu ga candidate aku nereyne.Bodu siyaasee party egge gothuga dhemi oveveynee kurimathi laigen PPM in @prz_ymn ah kurimathi nulevvey haalathegga ehen candidate eh nunereyne kamah baeh siyaasee meehun dhakkaa gaboolukuran dhathi
— Ibrahim Shareef (@AdduShareef) February 20, 2023
އިދިކޮޅު ކޯލިޝަނުން ތަކުރާރުކޮށް ބުނަމުން އަންނަނީ 11 އަހަރުގެ ޖަލު ހުކުމެއް ހުންނެވި ޔާމީނަށް އިންތިހާބުގައި ވާދަކުރެއްވޭނެ ކަމަށެވެ. އެހެންވެ އެ ނޫން އެއްވެސް ޗޮއިސްއެއް ޕީޕީއެމް/ޕީއެންސީގައި ނެތް ކަމަށް ވެސް އަންނަނީ ބުނަމުންނެވެ. ނަމަވެސް ޔާމީނަށް އިންތިހާބުގައި ވާދަކުރެވޭނެ ގާނޫނީ ހާލަތެއް އަދިއެއް ފަހިވެފައެއް ނެތެވެ.
މަވޯޓާ ވިދާޅުވީ ރިޔާސީ އިންތިހާބުގައި ޔާމީނާ ނުލައި ވެސް އެ އިދިކޮޅު ކޯލިޝަނަށް ވާދަކުރަން މަޖުބޫރުވާނެ މައިގަނޑު ސަބަބަކީ އިންތިހާބުގައި ވާދަނުކޮށްފި ނަމަ ޕާޓީގެ ސިޔާސީ ހައިސިއްޔަތަށް އަސަރުކުރާނެތީ ކަމަށެވެ. އަދި އޭގެ ފައިދާ އެހެން ޕާޓީތަކުން ނަގާނެ ކަމަށް ވިދާޅުވި އެވެ.
Riyaasee inthikhaabu ga kurimathi PPM in kurimathi laane kamah belevey sababkee kurimathi nulaifi nama e party political relevance gelli e party in dhookkollaa political space ehen party akun nagaane. Veemaa candidate aku nunerumakee oi choice eh kamakah qaboolu nukurevey
— Ibrahim Shareef (@AdduShareef) February 20, 2023
"ރިޔާސީ އިންތިހާބުގައި ޔާމީނާ ނުލައި [ވެސް] ޕީޕީއެމުން ކުރިމަތިލާނެ ކަމަށް ބެލެވޭ ސަބަބަކީ ކުރިމަތިނުލައިފި ނަމަ އެ ޕާޓީގެ ޕޮލިޓިކަލް ރެލެވެންސް ގެއްލި އެ ޕާޓީން ދޫކޮށްލާ ޕޮލިޓިކަލް ސްޕޭސް އެހެން ޕާޓީއަކުން ނަގާނެތީ،" އޭނާ ވިދާޅުވި އެވެ. "ވީމާ [އެހެން] ކެންޑިޑޭޓަކު ނެރުމަކީ އޮތް ޗޮއިސްއެއް ކަމަށް ގަބޫލުކުރެވޭ."
Kuriyah oi riyaasee inthikhaabu ga PPM ah candidate aku kurimathi nulaa nama emme bodu dhevana party ge gothuga dhemi eh noaveveyne. Ehen Choice eh nei kurimathi lun noonee
— Ibrahim Shareef (@AdduShareef) February 20, 2023
މަވޯޓާ ވިދާޅުވި ގޮތުގައި އިދިކޮޅު ޕީޕީއެމުން ރިޔާސީ އިންތިހާބަށް ވާދަނުކޮށްފި ނަމަ ދެވަނަ އަށް އެންމެ ބޮޑު ޕާޓީގެ ގޮތުގައި ދެމިއެއް ވެސް ނޯވެވޭނެ ކަމަށެވެ.
"އެހެންވީމަ [އިންތިހާބަށް] ޗޮއިސްއެއް ނެތް އިންތިހާބަށް ކުރިމަތިލުން ނޫނީ." އޭނާ ވިދާޅުވި އެވެ. "އެހެންކަމުން ބެލެވެނީ ޔާމީނަށް އެއްވެސް ސަބަބަކާ ހެދި ކުރިމަތިނުލެވިއްޖެ ނަމަ އެހެން ކެންޑިޑޭޓަކު ޕީޕީއެމުން ކުރިމަތިލާނެ ކަމަށް. އެހެންވެއްޖެ ނަމަ އެންމެ ގާތުން ވާދަކުރާނެ ކަމަށް ބެލެވެނީ ޕީޕިއެމާއި އެމްޑީޕީގެ ކެންޑިޑޭޓް."
Ehen kamun belevenee @prz_ymn ah kurimathi evves sababakaa hedhi nulevijje nama ehen candidate aku PPM ge faraathun kurimathi laane. Emme gaathun vaadha kuraane kamah belevenee PPM aa MDP candidate in
— Ibrahim Shareef (@AdduShareef) February 20, 2023
މި އަހަރުގެ ރިޔާސީ އިންތިހާބު އޮންނާނީ ސެޕްޓެމްބަރު 9 ގަ އެވެ. ވާދަކުރައްވާނެ ކެންޑިޑޭޓުންގެ ތެރޭގައި މިހާރުގެ ރައީސް އަދި އެމްޑީޕީގެ ކެންޑިޑޭޓް އިބްރާހީމް މުހައްމަދު ސޯލިހާއި އެމްއެންޕީގެ ލީޑަރު ކާނަލް މުހައްމަދު ނާޒިމާއި އެމްޑީއޭގެ ލީޑަރު އަހުމަދު ސިޔާމް މުހައްމަދު (ސަން ސިޔާމު) އަދި ކުރީގެ ހޯމް މިނިސްޓަރު އުމަރު ނަސީރު ހިމެނެ އެވެ.