މި އަހަރާއި އަންނަ އަހަރުގެ ދިރާސީ އަހަރަށް އިންޑިއާ އިން ރާއްޖެ އަށް ދިން 34 ސްކޮލަޝިޕަކަށް ކުރިމަތިލާން ހުޅުވާލައިފި އެވެ.
މިއީ އިންޑިއަން ކައުންސިލް ފޯ ކަލްޗަރަލް ރިލޭޝަންސް (އައިސީސީއާރް) މެދުވެރިކޮށް ދޭން ހަމަޖެހިފައިވާ ސްކޮލަޝިޕްތަކެވެ. އެގޮތުން މި ފުރުސަތުގައި ދިވެހި ދަރިވަރުންނަށް އިންޑިއާގެ ބޮޑެތި ސިޓީތަކުގެ އެންމެ މަތީފަންތީގެ ޔުނިވަސިޓީތަކުން އަންޑަ ގްރެޖުއޭޓް، ޕޯސްޓް ގްރެޖުއޭޓް އަދި ޕީއެޗްޑީ ފެންވަރަށް އާޓްސް، ސައިންސް، އިންޖިނިއަރިން، ބިޒްނަސް، ޓުއަރިޒަމް އަދި އެހެނިހެން ދާއިރާތަކުން ކިޔެވުމުގެ ފުރުސަތު މިހާރު ވަނީ ހުޅުވާލައިފަ އެވެ.
HC @AmbMunu also briefed the council members about 2️⃣0️⃣0️⃣+ capacity building slots under @ITECnetwork for Maldivian professionals & 3️⃣4️⃣+ Govt of India's @iccr_hq scholarships 2023-24 for Maldivian students to pursue UG, PG, PhD courses in #India. pic.twitter.com/GHxaBFZQd3
— India in Maldives (@HCIMaldives) February 20, 2023
މި ސްކޮލަޝިޕް ފުރުސަތުތަށް ހުޅުވާލާފައި ވަނީ އުމުރުން-30 އަހަރުގެ ޒުވާނުންނަށެވެ. ޕީއެޗްޑީ ސްކޮލަޝިޕަށް ކުރިމަތިލެވޭ އެންމެ ދޮށީ އުމުރަކީ 45 އަހަރެވެ.
ސްކޮލަޝިޕްތަކަށް އޮންލައިންކޮށް ވެސް ކުރިމަތިލެވޭނެއެވެ. މިކަމަށް ޚާއްސަކޮށްފައިވާ ޕޯޓަލް މެދުވެރިކޮށް އެޕްރީލް 30 ގެ ނިޔަލަށް ކުރިމަތިލާން ހުޅުވާލައިފަ އެވެ.