އުމްރާއަށް ފުރާ މިހުންނަށް ބޭނުންވާ މެނިންޖައިޓިސް ވެކްސިން ސްޓޮކް އިތުރުކުރުމަށް މަސައްކަތް ކުރަމުންދާ ކަމަށް އެސްޓީއޯއިން ހާމަކޮށްފިއެވެ.
އެސްޓީއޯއިން މިކަން ހާމަކޮށްފައިވަނީ އެސްޓީއޯއިން ހަކުރު ބައްޔަށް ބޭނުންކުރާ ބައެއް ބޭހާއި، ހިތުގެ ބައްޔަށް ބޭނުންކުރާ ބޭސް ނުލިބޭތާ އެތައް ދުވަހެއްވެ، އަދި މެނިންޖައިޓިސް ވެކްސިން ހުސްވެފައިވާ ކަމަށް ސޯޝަލް މީޑިއާގައި ފެތުރެމުންދާ ވާހަކައާއި ގުޅުވައިގެންނެވެ.
މިވާހަކަތަކާއި ގުޅުވައިގެން އެސްޓީއޯ މެޑިކަލްއިން ބުނެފައިވަނީ، ހަކުރު ބައްޔާއި، ހިތުގެ ބަލިތަކަށް ދާއިމީކޮށް ބޭނުން ކުރާ ބޭސް، މިވަގުތު ލިބެން ހުރި ކަމަށެވެ. އަދި މެނިންޖައިޓިސް ވެކްސިން ސްޓޮކެއް ހެލްތު މިނިސްޓްރީއާއި އީއްޔެ ހަވާލު ކުރެވި އައި ސްޓޮކް ބުރާސްފަތި ދުވަހު ލިބޭނެ ކަމަށް ވަނީ ހާމަކޮށްފައެވެ.
އިތުރު ސްޓޮކެއް ބުރާސްފަތި ދުވަހު ލިބޭނެ ވާހަކަވެސް ކަސްޓަމަރުންގެ ސަމާލުކަމަށްޓަކައި ދަންނަވަމެވެ. (2/2)@stoplc
— STO Medical Services (@StoMedical) February 21, 2023
މިވަގުތު ދަމަނަވެށިން އެންމެންނަށް މެނިންޖައިޓިސް ވެކްސިން ޖަހައި ނުދެއެވެ. ނަމަވެސް، ރޯދައިގެ ކުރީން އުމްރާއަށް ފުރާ ފަރާތްތަކަށް ޖަހައިދެމުންދާ ކަމަށް ހެލްތު މިނިސްޓްރީން ވަނީ ހާމަކޮށްފައެވެ.
They have a limited stock. So roadhaige kurin furaa meehunna mihaaru ves eba jahaidhey. Roadha mas therey, roadha mas fahun furaa meehunnah ves varah avahah jahaidheyne. Sto confirms stock will arrive this week.
— Amna Shath (SHATHS) (@AmnaShath) February 21, 2023
އެސްޓީއޯއިން ދަނީ ރާއްޖެ އެތެރެ ކުރާ ބޭހުގެ ދާއިމީ ސްޓޮކް ހުސްވިޔަ ނުދީ ހިފަހައްޓަން މަސައްކަތް ކުރަމުންނެވެ. މިގޮތަށް މަސައްކަތް ކުރާއިރު އެސްޓީއޯގެ ބައެއް ފިހާރަތަކުން ސްޓޮކް ހުސްވާ ފަހަރު ދެއެވެ. އެހެން ވިޔަސް އެހެން ފިހާރައަކުން ގެނެސް ވިއަސް ސްޓޮކް ކުރެއެވެ.