ނައިބު ރައީސް ފައިސަލް ނަސީމު މިދިޔަ އަހަރުގެ ތެރޭގައި ރައީސްކަމުގެ ހުވާކުރެއްވި މައްސަލަ އަށް ގާނޫނީ ފަރުވާއެއް ބޭނުންވާ ކަމަށާއި އެކަމާ ގުޅޭ މަސައްކަތް އިދިކޮޅު އެންމެ ބޮޑު ޕާޓީ، ޕީޕީއެމްގެ ވަކީލުން ކުރައްވަމުން ގެންދަވާ ކަމަށް އެ ޕާޓީގެ ކޯލިޝަން ބައިވެރިޔާ ޕީއެންސީގެ ނައިބު ރައީސް އާދަމް ޝަރީފު ވިދާޅުވެއްޖެ އެވެ.
މަޑުއްވަރީ ދާއިރާގެ މަޖިލިސް މެމްބަރުކަން ވެސް ކުރައްވާ ކުރީގެ ޑިފެންސް މިނިސްޓަރު ކުރެއްވި ޓްވީޓެއްގައި ވިދާޅުވީ ރައީސްކަމުގެ ހުވާ ފައިސަލް ކުރައްވާތީ މި އަހަރުގެ ރިޔާސީ ބަޔާން ވެސް އިއްވަން ޖެހޭނީ އެ މަނިކުފާނު ކަމަށް ގަބޫލުކުރާ ކަމަށެވެ.
RaeesulJumhooriyyaa kamuge huvaa, Naibu Raees kurevvi dhuvahun feshigen RJ akee Hon Faisal Naseem kamashaai Riyaasee bayaan ivvan jeheynee ves Hon Faisal Naseem kamah gina bayaku qaboolkuraa massala ah qaanoonee faruvaaeh beynunvey. E masakkaiy PPM ge lawyers ebakuravvaa!
— Adam Shareef Umar (@Adamshareefz) February 21, 2023
"އެކަން ގިނަ ބަޔަކު ގަބޫލުކުރާ މައްސަލަ އަށް ގާނޫނީ ފަރުވާއެއް ބޭނުންވޭ،" އާދަމް ޝަރީފު ވިދާޅުވި އެވެ. "އެ މަސައްކަތް ޕީޕީއެމްގެ ލޯޔަރުން އެބަ ކުރައްވާ."
ރައީސްކަމުގެ ހުވާ ނައިބު ރައީސް ފައިސަލް ކުރެއްވައި، ރައީސްގެ ޒިންމާ "މަދު ވަގުތުކޮޅަކަށް" ހަވާލުވެވަޑައިގެންނެވީ މިދިޔަ އަހަރުގެ ފެބްރުއަރީ މަހުގެ 25 ގަ އެވެ. އެ ދުވަހު ރައްޔިތުންގެ މަޖިލީހުގެ އިދާރާގައި ބޭއްވި ރަސްމިއްޔާތެއްގައި ފައިސަލަށް މަގާމުގެ ހުވާ ލައްވައި ދެއްވީ އުއްތަމަފަނޑިޔާރު އަހުމަދު މުއުތަސިމް އަދުނާނެވެ. ރައީސްގެ މައްސޫލިއްޔަތާ ހަވާލުވެވަޑައިގަތުމުގެ ގޮތުން މަގާމުގެ ހުވާ ފައިސަލް ކުރެއްވީ ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ކުރިފުޅުމަތީގަ އެވެ.
Vice President @FaisalNasym has taken the oath of office to assume duties of the President of the Republic of Maldives pic.twitter.com/8E5WQKtqfh
— People's Majlis (@mvpeoplesmajlis) February 25, 2022
ފައިސަލް ރައީސްކަމުގެ ހުވާކުރެއްވީ އޭރު ރައީސް އިބްރާހީމް މުހައްމަދު ސޯލިހު ޑޮކްޓަރުގެ ލަފާފުޅުގެ މަތިން ތައިރޮއިޑް ސާޖަރީއެއް ހެއްދެވުމަށް ސިންގަޕޫރަށް ވަޑައިގަތުމާ ގުޅިގެންނެވެ.
ނަމަވެސް މިކަމާ ގުޅިގެން ސިޔާސީ ފަރާތްތަކުން އެކި ކަހަލަ ވާހަކަތައް އޭރު ދައްކާފައިވެ އެވެ.