ރައްޔިތުންގެ މަޖިލީހުގެ ކ. ގުރައިދޫ ދާއިރާގެ މެމްބަރު އިބްރާހީމް ރިޒާ އަވަހާރަވުމާ ގުޅިގެން އާއިލާ އަށް ރައީސް އިބްރާހީމް މުހައްމަދު ސޯލިހު ތައުޒިޔާ ވިދާޅުވެއްޖެ އެވެ.
މަޖިލީހުގެ މެމްބަރުކަން ގިނަ ދުވަސްތަކެއް ވަންދެން ކުރެއްވި ރައީސް މިއަދު ކުރެއްވި ޓްވީޓެއްގައި ވިދާޅުވީ ރިޒާ އަކީ ވެސް ވަރަށް ގިނަ ދުވަހު މަޖިލީހުގައި މަސައްކަތްކުރެއްވި ބޭފުޅެއް ކަމަށެވެ.
ގުރައިދޫ ދާއިރާގެ ޢިއްޒަތްތެރި މެންބަރު އަލްއުސްތާޛު އިބްރާހީމް ރިޟާއަކީ ރައްޔިތުންގެ މަޖިލީހުގައި ވަރަށް ގިނަ ދުވަހު މަސައްކަތްކުރެއްވި ބޭފުޅެއް. މަރްޙޫމްގެ ޢާއިލާއަށް އިޚްލާޞްތެރި ތަޢުޒިޔާ ދަންނަވަން. މަރްޙޫމްގެ ފުރާނައަށް ސުވަރުގޭގެ ދާއިމީ ނިޢުމަތް މިންވަރު ކުރައްވާށި.
— Ibrahim Mohamed Solih (@ibusolih) February 23, 2023
"މަރްޙޫމްގެ ޢާއިލާ އަށް އިޚްލާޞްތެރި ތަޢުޒިޔާ ދަންނަވަން. މަރްޙޫމްގެ ފުރާނައަށް ސުވަރުގޭގެ ދާއިމީ ނިޢުމަތް މިންވަރު ކުރައްވާށި." ރައީސް ވިދާޅުވި އެވެ.
ރިޒާ އަވަހާރަވީ ރިޒާ އަވަހާރަވީ މެލޭޝިއާގައި ސިއްހީ ފަރުވާ ހޯއްދަވަމުން ގެންދަވަނިކޮށެވެ.
އޭނަ އަކީ ޕީޕީއެމަށް ނިސްބަތްވެވަޑައިގެންނެވި މެމްބަރެކެވެ.
MP Ibrahim Riza akee Rayyithunge Majlis ge membarukan 3 dhaurehgai kurevvi Raajjeyge siyasee hayaathuge nuhanu bodu baiverieh adhi Raajje siyaasee party ge nizam ah badhalukurumuge hissadhaareh. Maaiy Allah marhoom ah suvaruge minvarukuravva, aaila ah kehtherikan dhevvashi.Aameen
— Mohamed Nasheed (@MohamedNasheed) February 23, 2023
ރިޒާ އަވަހާރަވުމާ ގުޅިގެން މަޖިލީހުގެ ވަރަށް ގިނަ މެމްބަރުން ޓްވިޓާގައި ހިތާމަ ފާޅުކުރައްވައި، އާއިލާ އަށް ތައުޒިޔާ ވިދާޅުވެފައިވެ އެވެ. މަޖިލީހުގެ ރައީސް މުހައްމަދު ނަޝީދު ވެސް ރިޒާގެ އާއިލާ އަށް ތައުޒިޔާ ވިދާޅުވެފައިވެ އެވެ.