މި އަހަރު ބާއްވާ ރިޔާސީ އިންތިހާބާ ގުޅޭ ގޮތުން އެމްޑީޕީއާ އެކީ އެ މަނިކުފާނު ކުރައްވާނެ މަޝްވަރާއެއް ކަމަށް އެ ޕާޓީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ނަޝީދުގެ ނުރަސްމީ ޓްވިޓާ އެކައުންޓަކުން މިއަދު އެ މޭރުމުން ޓްވީޓްކުރެއްވުމަށް ފަހު، ދެން ކުރެއްވި ޓްވީޓެއްގައި ވިދާޅުވީ އެހެން ވިދާޅުވެވުނީ ގޯހަކުން ކަމަށެވެ. ނަމަވެސް މުޅި ރާއްޖެ އަދި އެމްޑީޕީ އަށް ހެޔޮގޮތް ހޯދަން މަސައްކަތްކުރަން ޖެހުނަސް ރައީސް އިބްރާހީމް މުހައްމަދު ސޯލިހާ އެކީ އެކަން ވާން ނެތް ކަމަށެވެ.
"އެއީ ރައީސް ސޯލިހާ އެކީ ހުރެގެން ވާން އޮތް ކަމެއްގެ ގޮތުގައި ނުފެނޭ." ނަޝީދު ވިދާޅުވި އެވެ.
2023 vana aharuge Riyaasee inthikhaab aai guley gothun alhugadu MDP aai kuraane mashvaraa eh neh.
— MN unofficial (@anedhivehirajje) February 24, 2023
ވެރިކަމުގެ ދެވަނަ ދައުރަކަށް ރައީސް އެމްޑީޕީގެ ރިޔާސީ ޓިކެޓް ހޯއްދެވީ ނަޝީދާ ވާދަކުރައްވައި ބޮޑު ތަފާތަކުންނެވެ. ނަމަވެސް ނަޝީދު ވަނީ ރައީސަށް ތާއީދުކުރައްވަން ދެކޮޅު ހައްދަވައި، އެމްޑީޕީގެ ތެރޭގައި "ފިކުރެއްގެ ދިރުން" ގެ ނަމުގައި ވަކި ސިޔާސީ ހަރަކާތެއް ހިންގަވަން މަސައްކަތް ފައްޓަވައިފަ އެވެ.
Mi thanugai MDP aai eku kuraane mashvaraa eh neh kamah buneyvunee goahun. Raaje ah adhi MDP ah enme heyo goia hoadhumah masaikai kuraan jeyheyne, eyhenas ey ee Raees Solih aai eku huregen vaan oia kamehge gothugai nufeyney.
— MN unofficial (@anedhivehirajje) February 24, 2023
މިކަމާ ގުޅިގެން ރައީސަށް ތާއީދުކުރާ އެމްޑީޕީގެ މެމްބަރުންގެ ފަރާތުން ނަޝީދަށް ބޮޑެތި ފާޑުކިޔުންތައް އަމާޒުވެ، ނަޝީދު އެމްޑީޕީ ހަލާކުކޮށްލައްވަން އުޅުއްވާ ކަމަށް އަންނަނީ ތުހުމަތު ކުރައްވަމުންނެވެ. އަދި ބައެއް މެމްބަރުން ވަނީ ނަޝީދު ޕާޓީން ވަކިކުރުމަށް ވެސް ގޮވާލައިފަ އެވެ.
އެމްޑީޕީ އަށް ނިސްބަތްވާ އިސް ބައެއް ބޭފުޅުން ވިދާޅުވާ ގޮތުގައި ޕާޓީގެ ރައީސްގެ މަގާމު ހުންނަވައިގެން ރިޔާސީ ކެންޑިޑޭޓަކާ ދެކޮޅަށް ނަޝީދު މަސައްކަތްކުރެއްވުމަކީ ޕާޓީގެ އަސާސީ ގަވާއިދާއި ޑިމޮކްރަސީއާ ވެސް ހިލާފަށް ކުރައްވަމުން ގެންދަވާ ކަމެކެވެ.
އެމްޑީޕީން މިހާރު ގެންދަވަނީ ކޯލިޝަން ހައްދަވަން އެހެން ޕާޓީތަކާ އެކީ މަޝްވަރާކުރައްވަމުންނެވެ.