ރިސޯޓްތަކުގައި މަސައްކަތްކުރާ މުވައްޒަފުންނަށް ތުނބުޅި ބެހެއްޓޭ ގޮތް ހެދުމަށް އެދި ޕެޓިޝަނެއްގައި ސޮއިކޮށް، އިކޮނޮމިކް މިނިސްޓްރީ އަށް ހުށަހަޅައިފި އެވެ.
މި ޕެޓިޝަން ހުށަހެޅޯ ޓުއަރިޒަމް އެމްޕްލޯއިމެންޓް އެސޯސިއޭޝަން އޮފް މޯލްޑިވްސް (ޓީމް) ގެ ފަރާތުންނެވެ. އެ ޖަމިއްޔާގެ ފަރާތުން ހުށަހެޅި ޕެޓިޝަނާ ހަވާލުވެވަޑައިގަތީ އިކޮނޮމިކް މިނިސްޓަރ ފައްޔާޒް އިސްމާއިލެވެ. ޖަމްއިއްޔާގެ ފަރާތުން ޕެޓިޝަން މިނިސްޓަރާ ހަވާލުކުރެއްވީ ޖެނެރަލް ސެކްރެޓަރީ މައުރޫފް ޒާކިރެވެ.
We have submitted our beard petitions from our union resorts to the Minister of @MoEDmv @faya_i we are confident that minister will seriously consider this issue & allow all resort workers who wanted to keep beard 🧔♂️, #organize #Fight #win @presidencymv @mtuc #ThunbulhiMatters pic.twitter.com/mdI5YRzhxv
— TEAM (@TEAMmaldives) February 24, 2023
ޕެޓިޝަނުގައި ފާހަގަކޮށްފައިވާ ގޮތުގައި ރިސޯޓްތަކުގައި މަސައްކަތް ކުރާ ފިރިހެން މުވައްޒަފުން ތުނބުޅު ބަހައްޓައިގެން މަސައްކަތް ކުރެވޭނެ ގޮތް ހެދުމަކީ ވަރަށް ފަސޭހަ ކަމެއް ކަމަށާއި އެއީ ފިރިހެން މުވައްޒަފުންގެ އަސާސީ ހައްގެއް ކަމަށް ވެސް ބުނެފައިވެ އެވެ.
ޓީމުން ބުނީ ޕެޓިޝަނުގައި ފާޅުކޮށްފައިވާ ކަންބޮޑުވުމަށް މިނިސްޓަރު ހައްލެއް ހޯއްދަވައި ދެއްވާނެ ކަމަށް ގަބޫލުކުރާ ކަމަށެވެ.