ހުކުރު ދުވަހުގެ ރޭ މާލޭގެ ފިހާރައެއްގެ ތެރޭގައި މީހަކަށް ވަޅިން ހަމަލާދީ ޒަހަމްކޮށްލި މައްސަލާގައި މީހަކު ހައްޔަރުކޮށްފި އެވެ.
ފުލުސް ކޮމިޝަނަރު މުހައްމަދު ހަމީދު މިއަދު ކުރެއްވި ޓްވީޓެއްގައި ވިދާޅުވީ ފިހާރައެއްގެ ތެރޭގައި ތޫނު ހަތިޔާރު ބޭނުންކޮށްގެން މީހަކަށް ހަމަލާ ދިނުމުގައި އަމަލީ ގޮތުން ބައިވެރިވި އެކަކު، ފުލުހުންގެ ތަހުގީގަށް ހޯދުނު ހޯދުމުގެ މައްޗަށް، ކޯޓު އަމުރެއްގެ ދަށުން ރޭ ދަންވަރު ހައްޔަރުކޮށްފައިވާ ކަމަށެވެ.
ފެބުރުވަރީ 24 ވަނަ ދުވަހުގެރޭ، މާފަންނު ފިހާރައެއްގެ ތެރޭގައި ތޫނު ހަތިޔާރު ބޭނުންކޮށްގެން މީހަކަށް ހަމަލާދިނުމުގައި އަމަލީ ގޮތުން ބައިވެރިވި އެކަކު، ފުލުހުންގެ ތަހުގީގަށް ހޯދުނު ހޯދުމުގެ މައްޗަށް، ކޯޓު އަމުރެެއްގެ ދަށުން ރޭ ދަންވަރު ހައްޔަރުކުރެވިފައިވޭ. #ގޭންގުމާރާމާރީ
— Mohamed Hameed (@M_Hameedh) February 26, 2023
ނަމަވެސް ހައްޔަރުކުރި މީހާއާ ބެހޭ އިތުރު އެއްވެސް ތަފުސީލެއް ނުދެއްވަ އެވެ.
މާފަންނުގައި "ކްރާސާ" ފިހާރައިގެ ތެރޭހައ ޒަހަމްކޮށްލީ 30 އަހަރުގެ މީހެކެވެ. އޭނަ އަށް އައިޖީއެމްއެޗްގައި ފަރުވާ ދެމުން އންނަ އިރު، އޮތީ ވެންޓިލޭޓަރުގަ އެވެ.
އެނގިފައިވާ ގޮތުގައި އެ ފިހާރަ ތެރެއަށް އޭނާ ވަނީ ބަޔަކު މީހުން އޭނާ ހޯދަން އަންނާތީ ފިލަންވެގެންނެވެ. ނަމަވެސް އެ ފިހާރަ އަށް ވަނުމުން ދެ މީހަކު ވަދެ ވަޅިން ހަމަލާ ދިނީ އެވެ.
ސީޕީ ވިދާޅުވި ގޮތުގައި މާލޭގައި މިހާރު މާރާމާރީތައް ހިންގަނީ ހަތަރު ގޭންގަކުންނެވެ. އަދި އެފަދަ ހާދިސާތަކާ ގުޅިގެން މިދިޔަ މަހުން ފެށިގެން 16 މީހަކު ހައްޔަރު ވެސް ކޮށްފައިވެ އެވެ.