ސަލަފު ޖަމިއްޔާ އިން އަދާލަތު ޕާޓީ އަށް "ހަސަދަލައިގެން" އުޅޭ ކަހަލަ މޭރުމަކުން އެ ޕާޓީގެ ރައީސް އިމްރާން އަބްދުﷲ ވާހަކަ ދައްކައިފައިވި އެވެ.
ހޯމް މިނިސްޓަރުގެ މަގާމުގައި ވެސް ހުންނެވި އިމްރާން ރޭ ކުރެއްވި ޓްވީޓެއްގައި ވަނީ އެ ޖަމިއްޔާ އާއި އަދާލަތާ ދެމެދު ހުރި ތަފާތަކީ ދީނީ ކަމެއްތޯ ނުވަތަ ސިޔާސީ ކަމެއްތޯ ސުވާލު ކުރައްވައިފަ އެވެ.
"ދީނީ މައްސަލައެއް ނަމަ އެކަން ހައްލުކުރަން އަޅުގަނޑުމެން ވަރަށް ބޭނުން،" އިމްރާން ވިދާޅުވި އެވެ. "ސިޔާސީ ކަމެއް ނަމަ އެކަން އަންޑަސްޓޭންޑްވޭ. [ސިޔާސީ ގޮތުން އަދާލަތު ޕާޓީ އޮތް ހިސާބާ މެދު ސަލަފުން ހަސަދަވެރިވުމަކީ] ހަމަ ވަރަށް ނެޗްރަލް ކަމެއްތާ."
Salaf jamiyya aa @AdhaalathOffice aa dhemedhugai huri thafaathu thakakee dheenee kameh heyyeve? Nuvatha siyaasee massala thakeh heyyeve.
Dheenee massaleh nama ekan hallu kuran alhugadumen v beynunve eve.
Siyaasee kameh nama ekan understand ve’eve. Hama v natural kamehthaa eve.
— Imran Abdulla (@ShimranAb) February 26, 2023
އަދާލަތު ޕާޓީ ވަނީ މި އަހަރުގެ ރިޔާސީ އިންތިހާބުގައި އެމްޑީޕީގެ ކެންޑިޑޭޓް އަދި މިހާރުގެ ރައީސް އިބްރާހީމް މުހައްމަދު ސޯލިހަށް ތާއީދުކުރަން ނިންމައި، އެމްޑީޕީއާ އެކީ ކޯލިޝަން ހަދަން ވެސް ނިންމައިފަ އެވެ. އަދި އެ ޕާޓީން އެފަދަ ކަންކަން ނިންމަނީ ލައްކަ ވިސްނުމަށް ފަހު ކަމަށް އިމްރާން ވިދާޅުވި އެވެ.
އިމްރާން ރޭ ކުރެއްވި ޓްވީޓްގެ ކުރިން އަދާލަތަށް ރައްދުވާ ގޮތަށް ސަލަފަށް ނިސްބަތްވާ އަލީ ރަމީޒު އިއްޔެ ކުރި ޓްވީޓެއްގައި ފާޑު ކިޔާފައިވެ އެވެ.
"ލާދީނީ އަށް ވުރެ ދީނީވެގެން އުޅޭ އެ ލާދީނީއްޔަތު ހިމާޔަތްކުރަން އުޅޭ ބައިގަނޑުގެ ނުރައްކާތެރިކަމާއި މުސީބާތް އުންމަތަށް މާ ބޮޑު." އޭނަ ބުންޏެވެ.