ފުލުހުންނާއި ފުލުހުންގެ އާއިލާތަކުގެ މީހުންނަށް ދަރަންޏަށް ބޭސް ފަރުވާގެ ހިދުމަތްދޭނެ ކްލިނިކްތަކެއް ހޯދަން އިއުލާންކޮށްފި އެވެ.
ފުލުހުން ބުނީ މިކަމަށް ޝައުގުވެރިވާ ކްލިނިކްތަކަށް ރަޖިސްޓްރީވުމުގެ ފުރުސަތު މި މަހުގެ 30 އާ ހަމައަށް ހުޅުވާލާފައިވާ ކަމަށެވެ. ރަޖިސްޓްރީވާން މެއިލް ކުރަން ޖެހެނީ [email protected] އާއި [email protected] އަށެވެ. ރަޖިސްޓްރީވާން ޖެހޭ އެންމެ ފަހު ސުންގަޑި އަކީ މި މަހުގެ 30 ގެ މެންދުރު ފަހު 2:00 ގެ ކުރިންނެވެ.
ފުލުހުން ބުނީ އޭގެ ފަހުން ރަޖިސްޓްރީކުރާ ފަރާތްތައް ބަލައި ނުގަންނާނެ ކަމަށެވެ. މިކަމާ ބެހޭ އިތުރު މައުލޫމާތު މި ނަމްބަރު 9790052 އިން ހޯދޭނެ އެވެ.