ނާކާމިޔާބު ވުމަކީ ގޮތް ބަދަލުކުރަންޖެހޭ ކަމެއް ނޫން ކަމަށް އަދާލަތު ޕާޓީގެ ރައީސް އިމްރާން އަބްދުﷲ ވިދާޅުވެއްޖެއެވެ.
2023 ގެ ރިޔާސީ އިންތިހާބަށް ރައީސް އިބްރާހިމް މުހައްމަދު ސޯލިހާއެކު ކޯލިޝަން ހަދާފައިވާ އަދާލަތު ޕާޓީގެ ރައީސް އަދި ހޯމް މިނިސްޓަރު އިމްރާން މިފަދައިން ޓްވީޓްކުރައްވާފައިވަނީ އެމްޑީޕީގެ އެތެރޭގައި ހިނގަމުންދާ ކޯޅުމާ ގުޅިގެންކަމަށް ގަބޫލުކުރެވެއެވެ.
އިމްރާންގެ ޓްވީޓްގައި ބުނެފައިވަނީ ސިޔާސީ މަސައްކަތުގައި އިހުލާސްތެރި ހިތަކައިގެން، އެއްގޮތެއްގައި ދިގުމުއްދަތަކަށް ދެމިހުރެގެން މެނުވީ ހެޔޮ ނަތީޖާއެއް ނުނެރެވޭނެކަމަށެވެ. އަދި އެކަން ވަރަށް ސާފުކޮށް ފެންނަމުންދާ ކަމަށެވެ.
"ނާކާމިޔާބު ވުމަކީ އިރުއިރުކޮޅާ ގޮތް ބަދަލުކުރަންޖެހޭ ކަމެއް ނޫނެވެ." އިމްރާންގެ ޓްވީޓްގައިވެއެވެ.
Siyassee masahkathugai ikhlaastheri hithakaigen ehgothehgai,dhigu muhdhathakah dhemihurehgen menuvee hayo natheejjaeh nunereveynekan,varasaafukoh mi dhanee fennamunneve.
Naakaamiyaabuvumakee irukolhu kolhaa goiy badhalu kuran jehey kameh nooneve.— Imran Abdulla (@ShimranAb) March 4, 2023
ރިޔާސީ އިންތިހާބަށް ރައީސް ސޯލިހާ މިހާތަނަށް ކޯލިޝަން ހަދާފައިވަނީ އަދާލަތު ޕާޓީ އަދި ސަން ސިޔާމްގެ އެމްޑީއޭއިންނެވެ.
ޖޭޕީގެ ގައުމީ ކޮންފަރެންސްއިން ވަނީ އެޕާޓީގެ ކެނޑިޑޭޓެއް ވަކިން ރިޔާސީ އިންތިހާބުގައި ނިކުތުމަށް ފާސްކޮށްފައެވެ. އަދި އެމްޑީޕީގެ ރައީސް މުހައްމަދު ނަޝީދު، ޖޭޕީގެ ލީޑަރު ޤާސިމާއެކު މަސައްކަތް ކުރައްވާކަމުގެ އަޑުތައްވެސް އަންނަނީ ފެތުރެމުންނެވެ.