ގަން އެއާޕޯޓް ތަރައްޤީ ތަރައްޤީ ކުރުމުގެ އެއްބަސްވުމުގައި އިންޑިއާގެ ރެނާޓަސް ޕްރައިވެޓް ޕްރޮޖެކްޓްސް ކުންފުންޏާއި އެކު އެއްބަސްވުމުގައި ސޮއިކޮށްފިއެވެ.
މި އެއްބަސް ވުމުގައި ސޮއިކުރެއްވީ އައްޑޫ އިންޓަނޭޝަނަލް އެއާޕޯޓްގެ ފަރާތުން ސޮއިކުރެއްވީ އެކުންފުނީގެ މެނޭޖިންގް ޑިރެކްޓަރ ގައިސް ނަސީރެވެ. އިންޑިއާގެ ރެނާޓަސް ޕްރައިވެޓް ޕްރޮޖެކްޓްސްގެ ފަރާތުން ސޮއިކުރެއްވީ އެކުންފުނީގެ ޗެއަރމަން އަދި މެނޭޖިންގް ޑިރެކްޓަރ ސެލްވަ-ސުންދަރަމްއެވެ.
މިރަސްމީއްޔާތުގައި އިކޮނޮމިކް މިނިސްޓަރ ފައްޔާޒު އިސްމާއިލް އާއި، ފިނޭންސް މިނިސްޓަރ އިބްރާޙިމް އަމީރު އަދި ޓްރާންސްޕޯޓް މިނިސްޓަރ އާއިޝަތު ނަހުލާގެ އިތުރުން އައްޑޫސިޓީ މޭޔަރ އަލީ ނިޒާރުގެ އިތުރުން ކައުންސިލް މެންބަރުން އަދި ސަރުކާރުގެ އިސްވެރިން ބައިވެރިވެވަޑައިގެންނެވިއެވެ.
ރަސްމީއްޔާތުގައި ވާހަކަ ދައްކަވަމުން އައްޑޫ އިންޓަނޭޝަނަލް އެއާޕޯޓްގެ މެނޭޖިންގް ޤައިސް ނަސީރު، އަދި ވިދާޅުވީ މިއީ ދެކުނުގެ ރައްޔިތުންގެ އުއްމީދާއި ވަރަށް ބޮޑަށް ގުޅިފައިވާ މަޝްރޫޢުއެއް ކަމަށެވެ. އަދި ޕްރޮޖެކްޓް ނިމިގެން ދާއިރު ގަން އެއާޕޯޓް ވެގެންދާނީ އިންޓަނޭޝަނަލް އެއާޕޯޓެއްގައި ހުންނަން ޖެހޭ ހުރިހާ ޚިދުމަތެއް އެކުލެވިގެން ތަރައްޤީ ވެގެންދާ އެއާޕޯޓެއް ކަމަށް ޤައިސް ވިދާޅުވިއެވެ. އަދި މިއީ އެކުންފުނިން އެކުލަވާފައިވާ ތަރައްޤީގެ ޕްލޭނާއި އެއްގޮތަށް އެންމެ މުހިންމު ކަންތައްތަކަށް އިސްކަންދީގެން ކުރިއަށް ގެންދެވޭ ޕްރޮޖެކްޓެކެވެ.
The contract signing ceremony for the Gan International Airport Development Project was held today. Contracts were signed between @AIA_MV & Renaatus Projects.@faya_i @Ganairportco pic.twitter.com/doEgZZ8IlL
— Economy & Trade (@MoEDmv) March 5, 2023
މިމަޝްރޫޢުގެ އަމަލީ މަސައްކަތް މަހެއްހައި ދުވަހުގެ ތެރޭ ފެށިގެންދާނެ ކަމަށް ރެނާޓަސް ކުންފުނިން ބުނެއެވެ. އެއާޕޯޓް ތަރައްގީ ކުރަން ނިންމާފައި ވަނީ އަހަރަކު 1.5 މިލިއަން ފަސިންޖަރުންނަށް ޚިދުމަތްދެވޭ ގޮތަށެވެ. އެގޮތުން ޒަމާނީ ފެންވަރަށް ޓާމިނަލް ތަރައްގީކޮށް، ޑިއުޓީ ފްރީ ފިހާރަތަކާއި ރެސްޓޯރެންޓުތަކާއި ލައުންޖުތަކުގެ އިތުރުން، އައު ކޮންޓްރޯލް ޓަވަރަކާއި ފަޔަ ސްޓޭޝަނެއް ގާއިމުކުރަން ހަމަޖެހިފަ އެވެ. އަދި އެއާޕޯޓުގައި ކޯލްޑް ސްޓޯރޭޖަކާ އެކީ ކާގޯ ވަސީލަތްތައް އިތުރަށް ތަރައްޤީކޮށް، މަގުތައް ހަދައި ޕާކިންގެ އިތުރުން އެއާޕޯޓަށް ބޭނުންވާ އެހެނިހެން ވަސީލަތްތައް ތަރައްގީ ކުރުމަށް ހަމަޖެހިފައިވެ އެވެ.
Gan International Airport development project signing ceremony. pic.twitter.com/bGyy6dgT5x
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) March 5, 2023
ރާއްޖޭގެ އެންމެ ދެކުނުގައި އޮތް އެއާޕޯޓް އަދި ރާއްޖޭގައި ތަރައްގީކުރި ފުރަތަމަ އެއާޕޯޓް ތަރައްގީކުރަން ސަރުކާރުން ހަވާލުކުރަން ނިންމީ އިންޑިއާގެ ކުންފުންޏެއް ކަމަށްވާ ރެނާޓަސްއާ އެވެ. މިއީ އެ ގައުމުގެ އެގްޒިމް ބޭންކްގެ 800 މިލިއަން ޑޮލަރުގެ ލައިން އޮފް ކްރެޑިޓްގެ ދަށުން ހިންގަން ހަމަޖެހިފައިވާ މަޝްރޫއެކެވެ. އެގޮތުން ގަން އެއާޕޯޓް ތަރައްޤީ ކުރުމުގެ މަޝްރޫޢުއަކީ 29.7 މިލިއަން ޑޮލަރު(455.8 މިލިއަން ރުފިޔާގެ) ޚަރަދުކޮށްގެން ހިންގާ މަޝްރޫޢުއެކެވެ.