މަސައްކަތެއް ކުރުމަށްޓަކައި މާލޭގެ ސަރަހައްދަކުން މިއަދު ކަރަންޓުގެ ހިދުމަތް ކެނޑިދާނެކަމަށް ސްޓެލްކޯއިން ބުނެފިއެވެ.
ސްޓްލެކޯއިން ބުނެފައިވަނީ އެކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތެއް މިއަދު ކުރުމަށް ހަމަޖެހިފައިވާ ކަމަށެވެ.
އެގޮތުން މިއަދު މެންދުރު 15:00 އިން 16:30 އަށް ހެންވޭރު ބޮޑުތަކުރުފާނުމަގު، އަމީރުއަހުމަދުމަގާއި، ކަސްތޫރިމަގު، ހިތްފަސޭހަގޯޅި، ސަނދުބަރަކާގޯޅި، ފިނިހިޔާގޯޅި، މެހެލިގޯޅި، އަދި ސޯސަންމަގުން ކަރަންޓުގެ ހިދުމަތް މެދުކެނޑުމަކީ އެކަށީގެންވާ ކަމެއް ކަމަށެވެ.
މާލެ ސަރަހައްދުގެ ކަރަންޓުގެ ހިދުމަތް ރަނގަޅުކުރުމަށް ސްޓެލްކޯއިން އަންނަނީ އެކި މަސައްކަތްތައް ކުރަމުންނެވެ.