އެމްއެމްއޭގައި މަސައްކަތް ކުރާ ގާތުންދޭ މައިންނަށް ދޭ އިތުރު ގަޑި އިތުރުކޮށްފި އެވެ.
އެމްއެމްއޭ އިން ބައިނަލްއަގުވާމީ އަންހެނުންގެ ދުވަސް މިއަދު ފާހަގަކޮށްފައިވާއިރު އެ އޮތޯރިޓީގައި ގާތުންދޭ މައިންނަށް ދެވޭ 1 ގަޑިއިރުގެ ވަގުތު 2 ގަޑިއިރަށް މިއަދުން ފެށިގެން ވަނީ އިތުރުކޮށްފަ އެވެ.
އެމްއެމްއޭ އިން ބުނީ މި ބަދަލާއެކު މިއަދުން ފެށިގެން ގާތުންދޭ ހުރިހާ މައިންނަށް ވެސް މަސައްކަތުގެ ގަޑީގެ ތެރެއިން 2 ގަޑިއިރުގެ ހުސްވަގުތެއް ދަރިފުޅާއެކު ހޭދަކުރުމަށް ލިބިގެންދާނެ ކަމަށެވެ.
އަންހެނުންގެ ކުރިއެރުމަށް އިސްކަންދިނުމުގައި އެމްއެމްއޭ އިން އަބަދު ވެސް ދަނީ ނަމޫނާ ދައްކަމުންނެވެ. އެގޮތުން ވިހެއުމާ ގުޅިގެން ދެވޭ ޗުއްޓީ 6 މަސްދުވަހަށް އިތުރުކުރި އެންމެ ފުރަތަމަ އެއް އިދާރާއަކީ ވެސް އެމްއެމްއޭ އެވެ.