ކުރިއަށް އޮތް ރޯދަ މަހަށް މަރުހަބާ ކިޔުމުގެ ގޮތުން ފޯރީގައި މާހެފުމުގެ ހަރަކާތްތައް ބާއްވަން ބޭނުންވާ މީހުންނަށް ކުޑިގިރި ޕިކްނިކް އައިލޭންޑުން އެ ފުރުސަތު ހުޅުވާލައިފި އެވެ.
ކުޑަގިރިން ވަނީ މާހެފުމަށް ހާއްސަ މެނޫއެއް ވެސް ތައާރަފުކޮށްފަ އެވެ. އޭގައި 16 ބާވަތެއް ހިމަނާފައިވާ އިރު، މާހެފުމަށް ބޮލަކަށް ނަގަން ހަމަޖެހިފައި ވަނީ 165ރ. އެވެ. މިކަމާ ބެހޭ އިތުރު މައުލޫމާތު 3356454 އިން ލިބޭނެ އެވެ.
މާހެފުމުގެ މަޖާ ނަގަން ކުޑަގިރިއަށް #އާދޭ!#Aadhey#VisitKudagiri#UrbanGetaway pic.twitter.com/ZaWPswatd1
— Kudagiri Picnic Island (@KudagiriMv) March 7, 2023
މާލެ ސަރަހައްދުގެ ރައްޔިތުން ދަތުރުދާން ހާއްސަކޮށްގެން ތަރައްގީކުރި ކުޑަގިރި ހުޅުވީ މިދިޔަ މަހުގެ 11 ގަ އެވެ. މި ރަށަކީ މާލޭން ލޯންޗުން ފުރައިގެން 15 ވަރަކަށް މިނިޓުން ދެވޭ ހިސާބުގައި އޮތް އަދި ދަތުރުދާ މީހުންނަށް ބޭނުންވާ ގިނަ ވަސީލަތްތަކެއް ފުރިހަމަކޮށްފައިވާ ރަށެކެވެ.
ހުޅުމާލެ ޑިވެލޮޕްމަންޓް ކޯޕަރޭޝަން އެޗްޑީސީ) ގެ ދަށުން މެނޭޖްކުރަމުން އަންނަ ކުޑަގިރި ހުޅުވި ފަހުން އެތަނަށް އޮންނަ ޑިމާންޑް ވަރަށް ބޮޑެވެ.