ރާއްޖެ އާއި ސަޢުދީ ޢަރަބިއްޔާ ގުޅިގެން ޓޫރިޒަމް ކުރިއެރުވުމަށް މަޝްވަރާކޮށްފި އެވެ.
މި މަޝްވަރާ ބައްދަލުވުން ކުރިއަށް ދިޔައީ ޖަރުމަނުވިލާތުގެ ބާލިންގައި ކުރިއަށް ދިޔަ މި އަހަރުގެ އިންޓަނޭޝަނަލް ޓޫރިޒަމް ބޯސޭ، (އައިޓީބީ) ފެއާގަ އެވެ. އޭގައި ސަޢުދީގެ ޓޫރިޒަމް މިނިސްޓަރު އަހްމަދު އަލް ޚަތީބާ އެކީ ރައީސް އިބްރާހީމް މުހައްމަދު ސޯލިހު މަޝްވަރާތަކެއް ކުރެއްވި އެވެ.
سعدت باستقبال فخامة رئيس جمهورية المالديف إبراهيم محمد صَليح والترحيب به في جناح @VisitSaudi على هامش ملتقى #ITBBerlin ، تباحثنا مع فخامته سبل تعزيز التعاون بين البلدين الصديقين ومنها المشاريع التنموية و السياحة المستدامة. pic.twitter.com/wKoep22lvB
— Ahmed Al Khateeb أحمد الخطيب (@AhmedAlKhateeb) March 9, 2023
އެ ބައްދަލުވުމުގައި ރާއްޖެ އާއި ސަޢުދީ ގުޅިގެން ޓޫރިޒަމް ދާއިރާ ކުރިއެރުވޭނެ ގޮތްތަކާ މެދު ދެ ބޭފުޅުން މަޝްވަރާކުރެއްވި އެވެ.
އަދި ދެ ޤައުމުން ގުޅިގެން ތަރައްގީގެ މަޝްރޫއުތަކާއި، ދެމެހެއްޓެނިވި ގޮތެއްގައި ފަތުރުވެރިކަމުގެ ދާއިރާ ކުރިއެރުވުމަށް މަސައްކަތް ކުރެވޭނެ ގޮތްތަކާ މެދު ވެސް މަޝްވަރާކުރެއްވި ކަމަށް ޚަތީބު ކުރެއްވި ޓްވީޓެއްގައި ވިދާޅުވި އެވެ.
ރާއްޖެ އަކީ ދުނިޔޭގެ ޓޫރިޒަމަށް ބަލާ އިރު އެންމެ ފާހަގަކޮށްލެވޭ އެއް ގައުމެވެ. ސައުދީގެ ބަޖެޓް އެއާލައިނެއް ކަމަށްވާ ފްލައިނަސް އިން މެއި މަހުގެ ތެރޭގައި ރާއްޖެ އަށް ދަތުރުތައް ފަށަން ތައްޔާރުވަމުން އަންނަ އިރު، އެ ގައުމުގެ ގައުމީ އެއާލައިން ސައުދިއާ އަކީ މިހާރު ވެސް ރާއްޖެ އަށް ދަތުރުކުރާ އެއާލައިނެކެވެ.