ކުރީގެ ރައީސް މުހައްމަދު ނަޝީދު ލިޔުއްވާފައިވާ ތާރީހީ އާ ފޮތް "ކިއްލާ މާލޭ" އަންނަ ހޯމަ ދުވަހު ނެރެން ނިންމައިފި އެވެ.
އޯޝަން ޕަބްލިޝާސްގެ ތައްގަނޑުގައި ނެރޭ ފޮތް ނެރުމަށް ހޯމަ ދުވަހުގެ ރޭ 8:15 ގައި ގައުމީ ޔުނިވަސިޓީގައި ހާއްސަ ހަފުލާއެއް ބާއްވަން ހަމަޖައްސާފައިވެ އެވެ.
Join us for the book launch of Killa Male’:
📍Maldives National University
Monday, 20th March 2023 at 8:15pm pic.twitter.com/LCrXMOpJNY— Ocean Publishers (@OceanPublishers) March 15, 2023
"ކިއްލާ މާލޭ" ނެރުމުގެ ހަފުލާ އަށް ދައުވަތު ދެއްވައި ނަޝީދު އާންމުކުރެއްވި ނޯޓިހެއްގައި ވިދާޅުވީ މި ފޮތަކީ ފުރަމާލޭގައި ޒަމާނުއްސުރެ ދިރިއުޅެމުން އައި އާއިލާތަކާއި އެ އާއިލާތަކުގެ މަތިކޮޅާ ގުޅޭ ގޮތުން އެ މަނިކުފާނު ކުރެއްވި އާ ދިރާސާއެއް ކަމަށެވެ. މި ފޮތުގައި ކުރީގެ ހާލަތު ދައްކުވައިދޭ ކުރެހުންތަކެއް ވެސް ހުންނާނެ އެވެ.
Coming soon. pic.twitter.com/dAZaEFbpns
— Ocean Publishers (@OceanPublishers) March 13, 2023
މަޖިލީހުގެ ރައީސް ނަޝީދު ކުރިން ވެސް ފޮތްތަކެއް ނެރުއްވާފައިވެ އެވެ. އެގޮތުން އެންމެ ފަހުން ނެރުއްވި ފޮތަކޫ 2020 ގެ "ދެ ރަދުން" އެވެ. މީގެ އިތުރުން 2018 ގައި އެއްބަސްވެވޭ އިންގިލާބު" އަދި 1996 ގެ "ދަގަނޑު ދަހަނާ" ގެ ނަމުގައި ވެސް ފޮތެއް ނެރުއްވި އެވެ. އަދި 1953 ވަނަ އަހަރު ކުރީގެ ރައީސް މުހައްމަދު އަމީނުގެ ވެރިކަން އިންގިލާބުކޮށްލި ހާދިސާ އަށް "ވެރިއެއްގެ ނިމުން" ނަމުގައި ދިރާސާއެއް ކުރައްވައި ޝާއިއުކުރެއްވި އެވެ.