މީގެ 35 އަހަރު ކުރިން ރިލީޒްކުރި އަމީތާބް ބައްޗަންގެ ކާމިޔާބު ފިލްމު "ޝެހެންޝާ" ގައި އޭނަ ބޭނުންކުރި އައިކޮނިކް ޖެކެޓް ސައޫދީ އަރަބިއްޔާގެ ފޭނަކަށް ހަދިޔާކޮށްފި އެވެ.
އަމީތާބްގެ ޖެކެޓް ހަދިޔާއަކަށް ލިބުނު ތުރުކީ އަލާކްޝިކް ކިޔާ މީހާ އެ ލިބުނު ވާހަކަ ހިއްސާކޮށް، އަމީތާބަށް ތައުރީފުކޮށް ޓްވީޓް ވެސް ކޮށްފައިވެ އެވެ. އެގޮތުން އަމީތާބަކީ ހަމައެކަނި އިންޑިއާގައި މޮޅު އެކްޓަރެއް ނޫން ކަމަށާއި އޭނަ އަކީ މުޅި ދުނިޔޭގައި ވެސް ވަރަށް ފާހަގަކޮށްލެވޭ އެކްޓަރެއް ކަމަށް ބުނެފައިވެ އެވެ.
T 4591 – My dear and most considerate friend .. I am so honored that you have received the gift of the jacket with the steel arm that I wore in my film SHAHENSHAH .. some day I shall tell you how I was able to retrieve it .. my love to you .. @Turki_alalshikh https://t.co/mfkGijqQue
— Amitabh Bachchan (@SrBachchan) March 20, 2023
ފޭނުގެ އެ ޓްވީޓްގެ ރައްދުގައި އަމީތާބް ކުރި ޓްވީޓެއްގައި ވަނީ އެ ފޭނަކީ އޭނަގެ ވަރަށް ގާތް އެކުވެރިއެއްގެ ގޮތުގައި ދެކޭ މީހެއް ކަމަށާއި ހަދިޔާ ރައްދުވީތީ ވަރަށް އުފާވާ ކަމަށް ބުނެފައިވެ އެވެ. ސައުދީގެ ފޭނަކަށް އަމީތާބްގެ "ޝެހެންޝާ" ގެ ފިލްމުގެ ކޮސްޓިއުމެއްގެ ގޮތުގައި ބޭނުންކުރި މަޝްހޫރު ޖެކެޓް ހަދިޔާކުރި އިރު، މިދިޔަ ޖެނުއަރީގައި ސައުދީގެ ޖޯއި އެވޯޑްސްގައި އަމީތާބަށް ލައިފްޓައިމް އެޗީވްމަންޓް އެވޯޑް ވެސް ދީފައިވެ އެވެ.
މިހާތަނަށް ކާމިޔާބު އެތައް ފިލްމެއް ކުޅެފައިވާ އަމީތާބް، 80، ގެ "ޝެހެންޝާ" އަކީ ޓީނޫ އާނަންދު ޑައިރެކްޓްކޮށް 1988 ގައި ގެނެސްދިން ފިލްމެކެވެ. އޭގެ ބަތަލާ އަކީ މީނާކްޝީ ޝެޝަދުރީ އެވެ.