ރޯދަ މަހުގެ ރޭތައް އިހްޔާ ކުރުމަށް ބާއްވާ އިހްޔާ ފޯރަމް މާދަމާ ރެއިން ފެށިގެން ކުރިއަށްދާނެ ކަމަށް އިސްލާމިކް މިނިސްޓްރީން ބުނެފިއެވެ.
އިސްލާމިކް މިނިސްޓްރީން ބުނެފައިވަނީ މިއަހަރު ޖުމްލަ 17 އިޙްޔާ ޕްރޮގްރާމް ބޭއްވުމަށް ހަމަޖެހިފައިވާއިރު މާލޭގައި 9 ޕްރޮގްރާމް އަދި އަތޮޅުތަކުގައި 8 ޕްރޮގްރާމް ކުރިއަށް ގެންދާނެ ކަމަށެވެ.
1444 ވަނަ އަހަރުގެ އިޙްޔާ ފޯރަމްގެ ފުރަތަމަ ޕްރޮގްރާމް
މައުޟޫޢު " ހެޔޮ ބަދަލަކަށް ރަމަޟާން"
🎙️މިނިސްޓަރ އޮފް އިސްލާމިކް އެފެއާޒް ޑރ. އަޙްމަދު ޒާހިރު ޢަލީ، އައްޝައިޚް ޙަސަން ލަޠީފް މޫސާ
📍އިސްލާމީ މަރުކަޒުގެ ހޯލް، މާލެ ސިޓީ
⌛️ ގަޑި: 21:30
📅23 މާރިޗް 2023 (ބުރާސްފަތި)#އިޙްޔާ pic.twitter.com/JVPeo9GH5t— Ministry of Islamic Affairs (@MVIaffairs) March 22, 2023
އިސްލާމިކް މިނިސްޓްރީން ބުނެފައިވަނީ އިހްޔާ ފޯރަމްގެ ފުރަތަމަ ޕްރޮގްރާމްގައި ތަޤްރީރުކުރައްވާނީ އިސްލާމިކް މިނިސްޓަރު ޑރ. އަހުމަދު ޒާހިރު ޢަލީއާއި އައްޝައިޚް ހަސަން ލަތީފް މޫސާ ކަމަށެވެ. މާދަމާ ރޭގެ އިހްޔާ ޕްރޮގްރާމްގެ މައުޟޫއައަކީ ”ހެޔޮ ބަދަލަކަށް ރަމަޟާން”އެވެ.
1444 ވަނަ އަހަރުގެ އިޙްޔާ ފޯރަމްގެ 2ވަނަ ޕްރޮގްރާމް
މައުޟޫޢު " ލޮބުވެތި ނަބިއްޔާ ﷺގެ ޙަޔާތްޕުޅުން"
🎙️ އަލްއުސްތާޛް މުޙައްމަދު އަނީލް، ޑރ. ޢަލީ ޒާހިރު
📍އައްޑޫ ހައި ސްކޫލު ހޯލް، އައްޑޫ ސިޓީ
⌛️ ގަޑި: 21:30
📅24 މާރިޗް 2023 (ހުކުރު)#އިޙްޔާ#roadha44#MVIaffairs pic.twitter.com/3MK5hhJcvr— Ministry of Islamic Affairs (@MVIaffairs) March 22, 2023
އަތޮޅުތަކުގައި ބާއްވާ އެންމެ ފުރަތަމަ އިޙްޔާ ޕްރޮގްރާމް ބޭއްވުމަށް ހަމަޖެހިފައިވަނީ އައްޑޫ ސިޓީގައެވެ. އައްޑޫ ސިޓީގައި ކުރިއަށް ގެންދާ އިހްޔާ ޕްރޮގްރާމް އޮންނާނީ ހުކުރު ދުވަހުގެ ރޭ އައްޑޫ ހައި ސްކޫލް ހޯލްގައި ކަމަށް އިސްލާމިކް މިނިސްޓްރީން މައުލޫމާތުދެއެވެ. އެ ރޭގެ ފޯރަމްގެ މައުޟޫއަކީ ”ލޮބުވެތި ނަބިއްޔާ ﷺ ގެ ޙަޔާތްޕުޅުން”އެވެ. މި ފޯރަމްގައި ތަޤުރީރު ކުރައްވާނީ އަލްއުސްތާޛް މުހައްމަދު އަނީލް އަދި ޑރ. އަލީ ޒާހިރުއެވެ.
މާލޭގައި އިހްޔާ ޕްރޮގްރާމްތައް އޮންނާނީ ކޮންމެ އާދިއްތަ އަދި ބުރާސްފަތި ދުވަހެއްގެ ރޭ 21:30 ގައި އިސްލާމީ މަރުކަޒުގެ ހޯލްގައެވެ. އަދި އަތޮޅުތަކުގައި ހުކުރު އަދި ހޮނިހިރު ދުވަހުރޭ ރޭގަނޑު 21:30ގައެވެ.