ޕޮޓަރީ އާއި ސެރަމިކް އާޓް ނުވަތަ މަށިން ތަކެތި ހަދަން ދަސްކޮށްދޭ ސްޓޫޑިއޯއެއް ހުޅުމާލޭގައި ހުޅުވައިފި އެވެ.
"ސަ ކްލޭ ސްޓޫޑިއޯ" ގެ ނަމުގައި ރޭ އެތަން ހުޅުވީ ހުޅުމާލޭގެ ރެއިން ކްރެސްޓް ރެސިޑެންސް އިމާރާތުގެ ގްރައުންޑް ފްލޯގަ އެވެ. އެ ސްޓޫޑިއޯ ހުޅުއްވައި ދެއްވީ އެޗްޑީސީގެ މެނޭޖިން ޑިރެކްޓަރު އަހުމަދު އާތިފެވެ.
The wait is over! @claystudiomv has officially opened, introducing the immersive and therapeutic art of pottery. pic.twitter.com/GXcUnw1eS7
— HDC (@hdcmaldives) March 22, 2023
ކްލޭ ސްޓޫޑިއޯ އިން ޕޮޓަރީ އާއި ސެރަމިކް އާޓްގެ ފަންނު ދަސްކޮށް ދިނުމަށް ކޯސްތައް ހިންގަން ހަމަޖެހިފައިވެ އެވެ. އަދި އެ މަސައްކަތް ތަޖުރިބާކުރަން ބޭނުންވާ މީހުންނަށް އެ ފުރުސަތުތައް ވެސް ފަހިކޮށް ދޭނެ ކަމަށް އެޗްޑީސީން ބުންޏެވެ.
From solitary sessions and seminars to team-building exercises and birthday celebrations, they have got something for everyone to enjoy.
Location: The Clay Studio Maldives, Raincrest Tower A pic.twitter.com/TAbKbHA95G
— HDC (@hdcmaldives) March 22, 2023
އެ ސްޓޫޑިއޯގައި ކުޑަކުދިންނަށް ވެސް އެ މަސައްކަތް ދަސްކޮށް ތަޖުރިބާކުރުމުގެ ފުރުސަތު އޮންނާނެ ކަމަށް އެޗްޑީސީން ބުންޏެވެ. މީގެ އިތުރުން އެކި ވޯކްޝޮޕްތަކާއި ފަންނުވެރިންގެ ހުނަރު ދައްކުވައިދޭ އެގްޒިބިޝަންތައް ބޭއްވުމަށާއި ފްރީލާންސް އާޓިސްޓުންނަށް ވެސް ކްލޭ ސްޓޫޑިއޯ ބުކްކޮށްގެން ބޭނުންކުރެވޭނެ އެވެ.
މިއީ ރާއްޖޭގައި ހުޅުވި މި ބާވަތުގެ ފުރަތަމަ ސްޓޫޑިއޯ އެވެ.