އިނގިރޭސިވިލާތުގެ މަޝްހޫރު ފުޓްބޯޅަ ޓީމު ޗެލްސީން ރޯދަ ވީއްލުމެއް ބާއްވައިފި އެވެ.
ޗެލްސީގެ ސްޓޭމްފޯޑް ބްރިޖް ސްޓޭޑިއަމްގައި ބޭއްވި މި ރޯދަ ވީއްލުން ޗެލްސީ ފައުންޑޭޝަނުން އިންތިޒާމުކުރީ ހިލޭ ސާބަހަށް މަސައްކަތްކުރާ އިނގިރޭސިވިލާތުގެ އަމިއްލަ ޖަމިއްޔާއެއް ކަމަށްވާ ރަމަދާން ޓެންޓް ޕްރޮޖެކްޓް (އާރްޓީޕީ) ގުޅިގެންނެވެ.
މިއީ އިނގިރޭސި ޕްރިމިއާ ލީގުގެ ކްލަބަކުން މި ފަދަ ހަރަކާތެއް ރޭވި ފުރަތަމަ ފަހަރެވެ.
Looks like Stamford Bridge @ChelseaFC is not just a home for the Blues, but also a welcoming ground for all faiths. Hearing the Azhan at the Bridge is a true 'goal' for the Muslim community and a 'win' for football in promoting unity and diversity #OpenIftar #Ramadan2023 pic.twitter.com/xRf6ThxZmP
— Open Iftar (@OpenIftar) March 26, 2023
ލަންޑަނުގައި ދިރިއުޅޭ މުސްލިމް ކޮމިއުނިޓީގެ މެމްބަރުންނަށް ހުޅުވާލައިގެން ބޭއްވި މި ރޯދަ ވީއްލުމުގައި ބައިވެރިވި ފަރާތްތަކަށް ނަމާދު ކުރެވޭނެ އިންތިޒާމު ވެސް ދަނޑުގައި ހަމަޖައްސާފައި ހުރިއިރު ބަންގި ވެސް ގޮވީ ޗެލްސީގެ ދަނޑުގަ އެވެ. އެގޮތުން ބަންގި ގޮވީ އިމާމް އިމްރާން އަބޫ ހަސަން އެވެ.
މި އިވެންޓުގައި ގިނަ ބަޔަކު ބައިވެރިވިއިރު ޗެލްސީގެ ބައެއް އިސްވެރިން ވެސް މި އިވެންޓުގައި ބައިވެރިވެފައިވެ އެވެ.
A truly inspirational evening 💙 pic.twitter.com/gJd7TWCjvh
— Chelsea Foundation (@CFCFoundation) March 26, 2023
ޗެލްސީން ބުނީ މިއީ އެކުވެރިކަމާއި އެއްބައިވަންތަަކަން އާލާކޮށް، ދެކޮޅުވެރިކަމާއި ނަފުރަތާއި ރުޅިވެރިކަން ނައްތައިލުމުގެ މަގުސަދުގައި އިންތިޒާމުކުރި ކަމެއް ކަމަށެވެ. ރޯދަ ވީއްލުން ބޭއްވީ އެ ޓީމުން ކުރިއަށް ގެންދާ "ނޮޓް ޓު ހޭޓް" ކެމްޕޭންގެ ތެރެއިންނެވެ.
ޗެލްސީ އަކީ މުސްލިމް ކުޅުންތެރިން ގިނަ އަދަދަކަށް ކުޅެމުން އަންނަ ޓީމެކެވެ.