ތިލަފުށިގެ ތަރައްޤީ ކުރުމުގެ މަޝްރޫޢުގެ ދަށުން ތިލަފުށި ފޭސް 2 ގެ ބިން ހިއްކުމުގެ ޢަމަލީ މަސައްކަތް ހޯމަ ދުވަހު ފަށާފައިވާ ކަމަށް އެޗްޑީސީން ހާމަކޮށްފިއެވެ.
ތިލަފުށިއަކީ ސިނާޢީ މަސައްކަތް ކުރުމަށް މިހާރު ކުރިމަތިވާ ދަތިތައް ހައްލު ކުރުމަށް ސަރުކާރުން ތަރައްޤީ ކުރަމުން އަންނަ ރަށެކެވެ. މިގޮތުން މިމަސައްކަތައް ތިލަފުށި މާސްޓަރ ޕްލޭނެއް އެޗްޑީސީން ވަނީ އެކުލަވާލާފައެވެ. އަދި މިމަސައްކަތް ކުރިއަށް ގެންދަނީ އެ މާސްޓަރ ޕްލޭނާއި އެއްގޮތަށެވެ.
ސަރުކާރުން ސިނާޢީ މަސައްކަތައް ހާއްސަކޮށްގެން ތަރައްޤީ ކުރާ ތިލަފުށީގެން ދެވަނަ ފިޔަވަހީގެ ބިން ހިއްކުމުގެ ޢަމަލީ މަސައްކަތް ފަށާފައިވާއިރު، ފުރަތަމަ ފަށާފައިވަނީ ދެވަނަ ފިޔަވަހީގެ އޭރީއާ ސީ ގެ ބިން ހިއްކުމުގެ މަސައްކަތެވެ. މިގޮތުން މި ސަރަހައްދުގެ އިން ވަކިކޮށް އަމަލީ މަސައްކަތް އީއްޔެ ފެށިއިރު މި ސަރަހައްދުން 20 ހެކްޓަރު ހިއްކުމަށް ވަނީ ކަނޑައެޅިފައެވެ.
Dredging and Reclamation works of Thilafushi Phase II, Area C consisting of 20 hectares by Capital Marine and Civil Construction Company Pvt Ltd has begun. Reclamation of Thilafushi is the first step in creating the momentum of Industrialization in Maldives. pic.twitter.com/6lDG7kNVcL
— HDC (@hdcmaldives) March 27, 2023
މި ސަރަހައްދު ހިއްކުމަށް ހަވާލު ކުރެވިފައި ވަނީ ކެޕިޓަލް މެރިން އެންޑް ސިވިލް ކޮންސްޓްރަކްޝަން ކޮމްޕެނީ ޕްރައިވެޓް ލިމިޓަޑްއާއެވެ. އަދި މިމަސައްކައް ގާތްގަނޑަކަށް 4 މަސް ދުވަހުގެ ތެރޭ ނިންމުމަށް ވަނީ ތާވާލް ކުރެވިފައެވެ. ތިލަފުށީ ބިން ހިއްކުމުގެ މަޝްރޫޢުގެ ތެރެއިން ޖުމަލް 151 ހެކްޓަރުގެ ބިން ހިއްކުމަށް ވަނީ ހަމަޖެހިފައެވެ.
ތިލަފުށިން ދެވަނަ ފިޔަވަހީގެ ދަށުން ބިން ހިއްކުމުގެ މަސައްކަތް ފަށާފައިވާއިރު، ސިނާޢީ ބޭނުންތަކަށް ތިލަފުށިން ބިން ދޫކުރުމަށްވެސް މިދިޔަ މަހު ތެރޭ އެޗްޑީސީން ވަނީ އިއުލާންކޮށް ހުޅުވާލާފައެވެ.