ގައުމީ އެއާލައިން މޯލްޑިވިއަންގެ އާ މަތިންދާ ބޯޓުތަކަކީ ޓޫރިސްޓުން ގެންނަ ކަނދުފަތިތައް އުފުލޭވަރުގެ ބޯޓުތަކެއް ނޫން ކަމަށް ގައުމީ އެއާލައިންގެ ޑެޕިއުޓީ މެނޭޖިން ޑިރެކްޓަރު އައިޝަތު ޖެނިފާ ވިދާޅުވެއްޖެ އެވެ.
ޓޫރިސްޓުން ގެންނަ ލަގެޖު އެމީހުންނާ އެކު ނުއުފޭކަމަށް ބުނެ ރާއްޖޭގެ ނޫހަކުން ޖެހި ހަބަރަކާ ގުޅިގެން އޭނާ ވިދާޅުވީ މޯލްޑިވިއަން އިން އަލަށް ގެނައި އޭޓީއާރު ބޯޓުތަކަކީ ކުރިން މޯލްޑިވިއަން އިން ބޭނުން ކުރި ޑޭޝް ބޯޓުތަކާ ހިލާފަށް ޓޫރިސްޓުން ގެންނަ ހުރިހާ ކަނދުފަތި އެރުވޭ ޖާގަ ހުންނަ ބޯޓުތަކެއް ނޫން ކަމަށެވެ.
Dash 8 aai Hilaaf ah ATR akee touristun genna hurihaa kandhu fathi thah eru vay varu ge jaaga ohnna boat eh noon.
Kandhu fathi ufulumah Halleh hoadhan masaikaith ves eba kuran .
Luggage eh offload vumakeee madhun nama ves dhimaa ve dhaane kameh 1/2 https://t.co/uhW93V5KRX— Aishath Jennifer ⚖️ (@JenniferAishath) March 28, 2023
ޖެނިފާ ވިދާޅުވީ ކަނދުފަތި އުފުލުމަށް ހައްލެއް ހޯދުމަށް މޯލްޑިވިއަންއިން މަސައްކަތް ކުރަމުން އަންނަ ކަމަށެވެ. އަދި ވަރަށް މަދުން ނަމަވެސް ލަގެޖް އޮފްލޯޑު ކުރަން ޖެހިދާނެކަމަށެވެ.
ކަނދުފަތި ކަމުގައި ޖެނިފާ މާނަކޮށްފައި ވަނީ ރާޅާއަޅަން ރާއްޖެ އަންނަ ޓޫރިސްޓުން ގެންނަ ސާފު ބޯޑަށެވެ.
ފަހަކަށް އައިސް މޯލްޑިވިއަންގެ ބޯޓު ޑިލޭ ވުމާއި، ލަގެޖު ބާލަން ޖެހުމާއުި، ޓިކެޓު އަގުބޮޑުވުމުގެ ޝަކުވާ އާންމުން އަންނަނީ ކުރަމުންނެވެ.
ގައުމީ އެއާލައިން މޯލްޑިވިއަންއަށް އެތައް ބަޔަކު ފާޑު ކިޔާއިރު އެފަަރާތްތަކަށް ޖެނިފާ ޓްވިޓާގައި ދަނީ ރައްދު ދެމުންނެވެ.