ރައީސް އިބްރާހިމް މުހައްމަދު ސޯލިހު ވެރިކަމަށް ގެނައުމަށް އެ ބޭފުޅުން ނުކުރައްވާ ކަމެއް އެމްޑީޕީގެ ނައިބު ރައީސް މުހައްމަދު ޝިފާޒަށް ވަކި ކުރެއްވިފައި ނޯންނާނެ ކަމަށް މަރަދޫ ދާއިރާ އެމްޑީޕީ މެމްބަރު އިބްރާހިމް ޝަރީފު (މަވޯޓާ) ވިދާޅުވެއްޖެ އެވެ.
ރައީސް އޮފީހުގެ މިނިސްޓަރުކަމުން ޝިފާޒު އިއްޔެ ވަކިި ކުރެއްވުމާ ގުޅިގެން އެމްޑީޕީގެ ރައީސް ނަޝީދު ވިދާޅުވީ ޝިފާޒަށް ވުރެ ބޮޑަށް މި ސަރުކާރު ގެނައުމަށް ގުރުބާންވި ބޭފުޅަކު ނެތް ކަމަށެވެ.
ނަޝީދުގެ އެ ވާހަކައަށް ރައްދު ދެއްވައި މަވޯޓާ ވިދާޅުވީ ރައީސް އިބްރާހީމް މުހައްމަދު ސޯލިހާ އެކީ އެމްޑީޕީ އަށް ވެރިކަން ހޯދައި ދިނުމަށް އެ ބޭފުޅުން ނުކުރާ ކަމެއް ޝިފާޒަށް ކުރެވިފައި ނޯންނާނެ ކަމަށެވެ. އަދި ޝިފާޒް ކުރެއްވި މަސައްކަތުގެ ބަދަލެއްގެ ގޮތުގައި މިއަދާ ހަމައަށް މުސާރަ ލިބިގެން މަތީ މަގާމެއްގައި ހުންނެވުނު ކަމަަށް ވިދާޅުވި އެވެ.
Alhugadumen nukuraa masakkatheh miverikan genaumah @mdpshippe akah vaki kurevvfaka noannaane. Eynaa kureviyyaa kurevvi masakkatheh ga badhalu ga mi adhaa hamayah musaara libigen hattah faseyha koh mathee magaamuga hunnevijje. Ragalhu noontho @evattey
— Ibrahim Shareef (@AdduShareef) March 29, 2023
ޝިފާޒު މަގާމުން ވަކި ކުރުމާ ގުޅިގެން ނަޝީދުގެ "ފިކުރެއްގެ ދިރުން" އަށް ތާއިދުކުރާ މެމްބަރުން ގެންދަނީ ސަރުކާރަށް ފާޑު ކިޔަމުންނެވެ.
ޝިފާޒުގެ އިތުރުން އެ ފެކްޝަނުގައި އުޅުއްވާ އެސްޓީއޯގެ މެނޭޖިން ޑިރެކްޓަރުގެ މަގާމުގައި ހުންނެވި ހުސައިން އަމްރު ވެސް މި ހަފުތާގައި ވަނީ ވަނީ މަގާމުން ވަކިކޮށްފަ އެވެ.