އައްޑޫ ހަންކެޑެ ޓޫރިޒަމަށް ތަރައްގީކުރަން ޗައިނާގެ ކުންފުންޏަކާ މިއަދު ހަވާލުކޮށްފި އެވެ.
އިންޓަގްރޭޓް ޓޫރިޒަމްގެ ދަށން ތަރައްގީކުރާ އެ ޕްރޮޖެކްޓް ހަވާލުކުރީ ޗައިނާ ނޭޝަނަލް އިލެކްޓްރިކަލް އިންޖިނިއަރިން (ސީއެންއީސީސީ) އެވެ. ހަންކެޑެ އަކީ މޯލްޑިވްސް ފަންޑް މެނޭޖްމަންޓް ކޯޕަރޭޝަން ކޮމްޕެނީ (އެމްއެމްސީ) ގެ ދަށުން ކުރިއަށް ގެންދާ މަޝްރޫއެކެވެ.
ހަންކެޑެ ތަރައްގީ ކުރަނީ ބޭންކް އޮފް ޗައިނާ އިން 145 މިލިއަން ޑޮލަރު (2.2 ބިލިއަން ރުފިޔާ) ގެ ލޯނެއް ނަގައިގެންނެވެ.
މި ޕްރޮޖެކްޓްގައި ޖުމްލަ 1،041 ކޮޓަރި ހިމެނެ އެވެ. ލިންކް ރޯޑުން މަރަދުއާ ގުޅިފައި އޮންނަ ހަންކެޑެ އަކީ ރިއަލް ސްޓޭޓް ޓޫރިޒަމަށް ސަރުކާރުން ހަމަޖައްސާފައިވާ ތަނެކެވެ. އެގޮތަށް ނިންމީ ޑިސެމްބަރު 2، 2021 ގަ އެވެ.
Today we signed the EPC contract for Hankede Integrated Tourism Development Project between Maldives Fund Management Corporation (MFMC) and China National Electrical Engineering Company (CNEEC).
(1/2) pic.twitter.com/fKal2KHV8N
— Maldives Fund Management Corporation (@mfmc_mv) March 30, 2023
ޓޫރިޒަމަށް ހާއްސަކޮށްގެން ހަންކެޑެ ތަރައްގީ ކުރަން ނިންމާފައިވާތީ އެ ރަށާއި ގައުކެނޑިއާ ދެމެދު އޮތް ބްރިޖު ބަދަލުކުރުމަށްޓަކައި އެ ސަރަހައްދުން މިހާރު އަންނަނީ އިތުރު ބްރިޖެއް އަޅައި މަރަދޫގެ ބޮޑު މަގާ ދިމާލުން ގުޅާލުމުގެ މަސައްކަތް ކުރަމުންނެވެ. އިންޑިއާގެ އެފްކޮންސް އިން ކުރިއަށް ގެންދާ އެ މަސައްކަތުގެ ވަރަށް ބޮޑު ބައި މިހާރު ވެސް އޮތީ ނިމިފަ އެވެ.
This sets the groundwork for the tourism growth in Addu City, bringing a new dynamic to the Maldives tourism sector.@faya_i @china_amb_Mdv @Moedmv @ChinaEmbassy_MV
(2/2)
— Maldives Fund Management Corporation (@mfmc_mv) March 30, 2023
ހަންކެޑެ ތަރައްގީކުރަން ޗައިނާގެ ކުންފުންޏަކާ މިއަދު ހަވާލުކުރި އެތަނުގެ ކޮންސެޕްޓް ޑިޒައިން އެމްއެމްސީން ޖެނުއަރީ މަހުގެ ތެރޭގައި ދައްކާލާފައިވެ އެވެ.
ސަރުކާރުން ބުނެފައިވާ ގޮތުގައި މިހާރު އަމާޒަކީ ހަންކެޑެއާ އެކީ އައްޑޫގެ ބެޑް ކެޕޭސިޓީ 6،000 އަށް އިތުރުކުރުމެވެ.