ރޯދަ މަހުގެ ރޭތައް އިހުޔާކުރުމުގެ ގޮތުން ރާއްޖޭގެ އެންމެ ބޮޑު އިދިކޮޅު ޕާޓީ، ޕީޕީއެމުން މިރޭ ދަރުހެއް ބާއްވަން ނިންމައިފި އެވެ.
މިރޭ 9:30 ގައި ފަށާ މި ދަރުސް އޮންނާނީ ޕީޕީއެމްގެ އޮފީހުގަ އެވެ. ދަރުހުގެ މައުޟޫ އަކީ "ރަމަޟާން މަހަކީ ކާމިޔާބީގެ މައްސަރެވެ." ދަރުސް ދެއްވާނީ ޝެއިހް އިބްރާހީމް އަހުމަދެވެ.
މީގެ ކުރިން ވެސް ރޯދަ މަހުގެ ރޭތައް އިހުޔާކުރަން ޕީޕީއެމުން ދަރުސްތައް ބާއްވާފައިވެ އެވެ.
ރަމަޟާން މަހުގެރޭތައް އިޙްޔާކޮށް ދިރުވުމުގެ ގޮތުން ބާއްވާ ޖަލްސާ "ރަމަޟާން މަހަކީ ކާމިޔާބީގެ މައްސަރެވެ."
މި ޖަލްސާއަށް ދިވެހި ލޮބުވެތި ރައްޔިތުންނަށް ދަޢުވަތު އަރުވަން. pic.twitter.com/0HwFi6Jbg9
— Progressive Party of Maldives (@ProgressPartyMV) March 30, 2023
އެ ޕާޓީން މިރޭ ދަރުހެއް ބާއްވާ އިރު، ޕީޕީއެމާއި ޕީއެންސީގެ ސަޕޯޓަރުން ޑިސެމްބަރު މަހުގެ ފަހުކޮޅުން ފެށިގެން މާލޭގައި ރޭގަނޑު މިހާރު ގަވައީދުން ކުރާ ކަމަކީ 11 އަހަރުގެ ޖަލު ހުކުމެއްގައި ހުންނެވި އެ ކޯލިޝަންގެ ރިޔާސީ ކެންޑިޑޭޓް އަބްދުﷲ ޔާމީން މިނިވަން ކުރަން ގޮވާލައި މުޒާހަރާކުރުމެވެ.