މާލެއަށް ބޯކޮށް ވާރޭވެހި ބޮޑު ބައެއްގައި ފެންބޮޑުވެފައިވާއިރު، ޕަމްޕްތައް ނުޖައްސާ ގިނައިރުވި ކަމަށް ވިދާޅުވެ މާލެސިޓީ މޭޔަރު ޑރ. މުހައްމަދު މުއިއްޒު ކަންބޮޑުވުން ފާޅުކުރައްވައިފިއެވެ.
މާލޭގެ ބޮޑު ބައެއްގައި ފެންބޮޑުވެފައިވާއިރު އެކަމާ ގުޅިގެން ކުރެއްވި ޓްވީޓެއްގައި މޭޔަރު މުއިއްޒު ވިދާޅުވީ، ސްޓޯމް ވޯޓާ ސިސްޓަމް ބަލަހައްޓާ ފަރާތުން ޕަމްޕުތައް ނުޖައްސާ ގިނައިރު ވެގެންދިއުމަކީ ދެރަ ކަމެއް ކަމަށެވެ.
"އަދި ކިރިޔާ ޕަމްޕްތައް ޖެއްސުނީ؟" މުއިއްޒު ވިދާޅުވިއެވެ.
މީގެއިތުރުން މުއިއްޒު ވިދާޅުވީ މާލޭގެ މަގުތައް ހަދަން ސިޓީ ކައުންސިލްއިން ކުރިއަށްގެންދިޔަ މަޝްރޫއުވެސް އަނބުރާ ގެންދިއުމުގެ ސަބަބުން މާލޭގެ މަގުތައް ނުހެދިފައިވާ ކަމަށެވެ.
Storm water system balahattaa faraathun pump thah switch on nukoh gina iruthakeh vegen dhiyumakee dhera kameh. Adhi kiriyaa pump thah jessunee !? Male ge maguthah hadhan City Council in kuriyah gendhiya mashroou ves anburaa gendhiyumuge sababun maguthah vanee nuhedhifa.
— Dr Mohamed Muizzu (@MMuizzu) April 1, 2023
މިއަދު ހެނދުނު މާލެއަށް ބޯކޮށް ވާރޭވެހި މާފަންނުގެ ބޮޑު ސަރަހައްދެއްގައި ވެސް ވަނީ ފެންބޮޑުވެފައެވެ. ފެންބޮޑުވުމުގެ ސަބަބުން ބައެއް ތަންތަނަށް ފެން ވަދެފައިވާ ކަަމަށްވެސް މައުލޫމާތު ލިބިފައިވެއެވެ.