ކާމިޔާބީއާ ހަމައަށް ދެވޭނީ އެ މީހެއްގެ ވަގުތު ސަލާމަތްކުރި މީހަކަށް ކަމަށް ޝެއިޚް ޢަބްދުﷲ އާމިރު ވިދާޅުވެއްޖެ
އެވެ.
ރޭ ހދ. ކުޅުދުއްފުށީގައި ބޭއްވި މި އަހަރުގެ ހަ ވަނަ އިހުޔާ ފޯރަމްގައި "އިސްލާމީ ނަޒަރަކުން ވަގުތު" މި މައުޟޫ ޢަށް ވާހަކަ ދައްކަމުން ޝެއިހް އާމިރު ވިދާޅުވީ ވަގުތު އެންމެ ހެޔޮގޮތުގައި ބޭނުން ކުރެވޭނީ ހަޔާތުގެ ލަނޑުދަނޑިއެއް އޮތް މީހަކަށް ކަމަށެވެ. އަދި ދުނިޔެ މަތީގައި ލިބޭ ކާމިޔާބީތަކަކީ ވަގުތީ ކާމިޔާބީތަކެއް ކަމަށާއި ހަގީގީ ކާމިޔާބަކީ ސުވަރުގެއަށް ދެވުން ކަމަށް ވިދާޅުވި އެވެ.
މާތްﷲ ގެ ވަޙީ ބަސްފުޅުތަކުގެ އަލީގައި އޭނަ ވިދާޅުވީ ސުވަރުގެ ވަންނަ މީހާ ކާމިޔާބުވެއްޖެ ކަމަށް މާތް ﷲ ވަޙީ ކުރައްވާފައިވާ ކަމަށާއި ކާމިޔާބާ ހަމައަށް ދެވޭނީ އެ މީހެއްގެ ވަގުތު ސަލާމަތްކުރާ މީހާއަށް ކަމަށެވެ. އަދި ސުވަރުގެއާ ހަމައަށް އިންސާނާ އަށް ދެވޭނީ ޒުވާން އުމުރުގައި ހެޔޮ ކަންތައްކޮށް މާތްﷲ އަންގަވާފައިވާ ގޮތަށް ޢަމަލުތައް ބަހައްޓައި ވަގުތު ހެޔޮ ގޮތުގައި ބޭނުން ކުރުމުން ކަމަށް ވިދާޅުވި އެވެ.
ހދ. ކުޅުދުއްފުށީގައި ކުރިއަށް ގެންދިޔަ އިޙްޔާ ފޯރަމްގެ ތެރެއިން.
މި ފޯރަމްގައި ތަޤްރީރުކުރެއްވީ އައްޝައިޙް ޢަބްދުﷲ އާމިރު އަދި އައްޝައިޚް ޢަލީ ޒައިދު. #އިޙްޔާ#roadha44#MVIaffairs pic.twitter.com/br4XNKhecv— Ministry of Islamic Affairs (@MVIaffairs) March 31, 2023
އެހެންވެ އިންސާނެއްގެ އެއް ދުވަސް ހޭދަކުރާ ގޮތަށް އިޝާރާތްކުރައްވައި މާތް ﷲގެ ރުއްސެވުން ހޯދުމަށްޓަކައި މަސައްކަތް ކުރެވެނީ ކިހާ ވަގުތަކަށްތޯ ޝެއިހް އާމިރު ސުވާލު ކުރެއްވި އެވެ.
އޭނަ ވިދާޅުވީ މުސްލިމެއްގެ ހަޔާތުގެ ކޮންމެ ކަމެއް ވެސް ބިނާވާން ޖެހޭނީ ނަމާދުކުރުމާއި ޤުރުއާން ކިޔެވުމާއި ދުނިޔަވީ މަސައްކަތްތަކާއި އާއިލާއާއި އަމިއްލަ ނަފުސަށް ވަގުތު ދީގެން ކަމަށެވެ. އެގޮތުން ވަގުތުގެ ބޭނުން ހެޔޮގޮތުގައި ބޭނުން ކުރުމަށް ކުރެވިދާނެ ކަން ކަމަށް އޭނަ އަލި އަޅުވާލެއްވި އެވެ.
އެގޮތުން ފަހުން ކަންކަން ކުރުމަށް ނުބެހެއްޓުމާއި ބައެއް ކަންކަމުގައި ނޫނެކޭ ބުނުމުގެ މުހިންމުކަމާއި ކުރަން ޖެހޭ ކަންކަން ބަދަލު ކުރިއަސް ކުރާ ކަންކަން ދޫކޮށް ނުލުމާއި، އެއްކަހަލަ ކަންކަން އެއް ވަގުތެއްގައި ކުރުމުގެ މުހިންމުކަން ފާހަގަކުރެއްވި އެވެ. ވަނީ