އިސްލާމިކް މިނިސްޓްރީން މި ރޯދަ މަހު ބާއްވާ ހަތް ވަނަ އިހުޔާ ފޯރަމްގައި މިރޭ ޝެއިހް އިލްޔާސް ހުސައިން ތަގުރީރު ކުރައްވާ ގޮތަށް ހަމަޖެހިއްޖެ އެވެ.
މިނިސްޓްރީން ބުނީ އިސްމާލީ މަރުކަޒުގެ ޖަލްސާގައި މާލަމުގައި 9:30 ގައި ފަށާ ފޯރަމްގެ މައުޟޫ އަކީ "ޤުރުއާނާ މެދު އެ އުރެން ވިސްނާ ފިކުރު ނުކުރަނީ ހެއްޔެވެ؟" އެވެ. މި މައުޟޫ އަށް ޝެއިހް އިލްޔާސްގެ އިތުރުން ޝެއިހް އަޒުމަތު ޖަމީލު ވެސް ތަގުރީރު ކުރައްވާނެ އެވެ.
1444 ވަނަ އަހަރުގެ އިޙްޔާ ފޯރަމްގެ 7ވަނަ ޕްރޮގްރާމް
މައުޟޫޢު " أَفَلَا يَتَدَبَّرُونَ الْقُرْآنَ ޤުރުއާނާއިމެދު އެއުރެން ވިސްނާ ފިކުރު ނުކުރަނީ ހެއްޔެވެ."
🎙️ އައްޝައިޚް އިލްޔާސް ޙުސައިން އަދި އައްޝައިޚް އަޡްމަތު ޖަމީލް pic.twitter.com/prmdEqfW72— Ministry of Islamic Affairs (@MVIaffairs) April 2, 2023
ރޯދަ މަހުގެ ރޭތައް އިހުޔާސްކުރަން އިސްލާމިކް މިނިސްޓްރީން އަންނަނީ މާލެ އާއި އަތޮޅު ތެރޭގައި ފޯރަމް ބާއްވަމުންނެވެ. އެގޮތުން އެންމެ ފަހުން މިދިޔަ ހުކުރު ދުވަހުގެ ރޭ ފޯރަމް ބޭއްވީ ހދ. ކުޅުދުއްފުށީގަ އެވެ.