ހިޔާލީ ދުނިއެއްގައި ކޮންމެ މީހަކަށް ކޮންމެ ކަމެއް ވެސް އިސްލާހު ކުރެވިދާނެ ކަމަށާއި އެކަމަކު އަމަލީ ދުނިޔޭގައި ކަންކަން އިސްލާހު ކުރެވޭނީ އަޒުމާއި ކެތްތެރިކަން ހުންނަ މީހުންނަށް ކަމަށް އަދާލަތު ޕާޓީގެ ރައީސް ޝެއިހް އިމްރާން ވިދާޅުވެއްޖެ އެވެ.
ހޯމް މިނިސްޓަރު މިއަދު ކުރެއްވި ޓްވީޓެއްގައި ވިދާޅުވީ ހިޔާލީ ދުނިޔެެއްގައި ކަންކަން އިސްލާހު ކުރުމާއި އަމަލީ ދުނިޔޭގައި ކަންކަން އިސްލާހު ކުރުމަކީ ވަރަށް ތަފާތު ދެ ކަންތައް ކަމަށެެވެ.
"ހިޔާލީ ދުނިޔެއެއްގައި ކޮންމެ ކަމެއް މެ އިސްލާހުކޮށްލެވިދާނެ،" އިމްރާން ވިދާޅުވި އެވެ. "ނަމަވެސް އަމަލީ ދުނިޔެ އިސްލާހު ކުރެވޭނީ އިލްމާއި ހިލްމު އެއްކޮށް، އަޒުމާއި ހިތްވަރާއި ހިކުމަތްތެރި އަމަލީ އެއްކޮށް ކެތްތެރިވެގެން."
Khiyaalee dhuniyeygai kan kan Islaahu kurumaa amalee dhuniyeygai kankan Islaah kurumakee varah thafaathu dhekameh.
Khiyaaleedhuniye konme meehakahme islaah kohlevidhaane.
Namaves amaleedhuniye islaahukureveynee, ilmaahilmu ehkoh,azuma,hihvara,hikumathu amalee ehkoh kehtherivegen— Imran Abdulla (@ShimranAb) April 3, 2023
އަދާލަތު ޕާޓީގެ ރައީސް މި މޭރުމުން ވާހަކަ ދެއްކެވި އިރު މި އަހަރުގެ ރިޔާސީ އިންތިހާބަށް ސިޔާސީ ޕާޓީތަކުން ކުރަމުން އަންނަ މަސައްކަތުގެ ތެރޭގައި ތަފާތު އެކި ކަހަލަ ވައުދުތައް މިހާރު ވެސް އަންނަނީ ވަމުންނެވެ. އިމްރާންގެ އަދާލަތަކީ މިހާރުގެ ރައީސް އިބްރާހީމް މުހައްމަދު ސޯލިހުގެ އެމްޑީޕީއާ އެކީ މި އަހަރުގެ ރިޔާސީ އިންތިހާބަށް ކޯލިޝަން ހަދަން ނިންމާފައިވާ ޕާޓީއެކެވެ.