އެސްޓީއޯއިން އެމްއޭސީއެލްއަށް ތެޔޮ ވިއްކާ ރޭޓަށް ބަދަލު ގެނެސް އިތުރު އެއް އަހަރު ދުވަހުގެ އެއްބަސްވުމުގައި ސޮއިކޮށްފިއެވެ.
މިއެއްބަސްވުމުގައި އެސްޓީއޯގެ ފަރާތުން ސޮއިކުރެއްވީ، އެކުންފުނިއަށް އެންމެ ފަހުން އައްޔަން ކުރެވުނު މެނޭޖިންގް ޑިރެކްޓަރ އަބްދުﷲ ސައީދެވެ. އެމްއޭސީއެލްގެ ފަރާތުން ސޮއިކުރެއްވީ ކުންފުނީގެ މެނޭޖިންގް ޑިރެކްޓަރ މަހުޖޫބް ޝުޖާޢުއެވެ.
އެސްޓީއޯއާއި އެމްއޭސީއެލް ދެމެދު ވެވުނު އެއްބަސްވުމުގެ ދަށުން އަންނަ އަހަރު މާރިޗު 31 އާއި ހަމަށް އެވިއޭޝަން ފިއުލް އަދި ގެސޮލައިން އެމްއޭސީއެލްއަށް އެސްޓީއޯއިން ފޯރުކޮށްދޭނެއެވެ. މައުލޫމާތު ލިބިފައިވާ ގޮތުގައި އައު އެއްބަސްވުމަކަށް އައިސްފައިވަނީ އައު ރޭޓެއްގައެވެ. ނަމަވެސް މި ދެ ކުންފުނިންވެސް މިކަމާއި މެދު އެއްޗެއް ބުނެފައި ނުވެއެވެ.
We have renewed our agreement with @MaclMedia for the supply of Aviation Jet A-1 Fuel and Marine Gas Oil to Velana International Airport.
The agreement was signed by our CEO & MD, Mr. Abdullah Saeed, and the CEO & MD of MACL, Mr. Mahujoob Sujau. pic.twitter.com/1mO4YgYEBY
— STO (@stoplc) April 6, 2023
މި އެއްބަސްވުމުގެ ދަށުން އެސްޓިއޯއިން އެމްއޭސީއެލްއަށް 1.5 މިލިއަން ފީފާ އެވިއޭޝަން ފިއުލް ފޯރުކޮށްދޭނެއެވެ. އަދި 80،000 ފީފާ ގެސޮލައިންވެސް އެކުންފުނިން ފޯރުކޮށްދޭނެއެވެ.
އެސްޓީއޯއިން އެމްއޭސީއެލް އަށް ބޭނުންވާ ތެޔޮ ފޯރުކޮށްދިނުމަށް އެސްޓީއޯގެ އަމިއްލަ ޓޭންކަރު އެމްޓީ އަލިމަސް ހިމެނޭ ގޮތަށް ދެ ޓޭންކަރެއް ބޭނުންކުރެއެވެ. އެސްޓީއޯއިން އެމްއޭސީއެލްއަށް އެއްބަސްވުމެއްގެ ދަށުން ތެޔޮ ފޯރުކޮށްދޭން ފަށާފައިވަނީ 2011 ވަނަ އަހަރުން ފެށިގެންނެވެ.