އެމެރިކާގެ މަޝްހޫރު އާކިޓެކްޗަ ކުންފުންޏެއް ކަމަށް ޖޯ ޕަލްމާގެ ބެލުމުގެ ދަށުން އައްޑޫގައި ތަރައްޤީ ކުރުމަށް ރާވަފައިވާ ވޯލްޑް ސްޕޯޓްސް ސިޓީ މަންޓާ ވިލެޖުގެ މަސައްކަތާއި ގުޅޭ ބައްދަލުވުމަށް އެ ފަރާތްތަކުން ވަރަށް އަވަހަށް ރާއްޖެ އަންނާނެ ކަމަށް ބުނެފި އެވެ.
އައްޑޫގައި ރާޅާ އެޅުންތެރިންނަށް ހާއްސަ ރަށެއް ތަރައްޤީ ކުރުމަށް އެ ފަރާތުން ހުށަހަޅާފައިވާ ކަން އައްޑޫ ސިޓީ ކައުންސިލުން މި ހަފްތާ ތެރޭގައި ވަނީ އާންމުކޮށްފަ އެވެ. މިއާއެކު މި ޕްރޮޖެކްޓާ މެދު ގިނަ ބައެއް ސުވާލުތަކެއް އުފެދިގެން ދިޔަ އެވެ.
މިއާ ގުޅޭ ގޮތުން ފާހަގަކޮށްފައިވާ ބައެއް ކަންބޮޑުވުމުގެ ތެރޭގައި މަޝްރޫޢުގެ ވާހަކަ އެކަނި ކައުންސިލުން ދައްކާ ކަމާއި، ސަރުކާރުގެ އެއްވެސް މުޢައްސަސާއަކުން މިހާތަނަށް މިކަމުގެ އެއްވެސް ބަހެއް ބުނެފައި ނެތުން ހިމެނެއެވެ. އަދި ބައެއް މީޑިއާތަކުގައި މި މަޝްރޫޢުގެ ވާހަކަ ގެނައުމާއެކު މިއީ ހިޔާލީ ވާހަކަތަކެއް ކަމަށް ވެސް ވާހަކަ ދެކެވިފައެވެއެވެ.
Updates of Manta Surf Village Addu Project by Mr. Jo Palma, Co-Founder and Chief Architect of World Sports City.https://t.co/D9umnhaf5v pic.twitter.com/DjzoJxs3xV
— Addu City Council (@AdduCityCouncil) April 6, 2023
ނަމަވެސް އައްޑޫ ކައުންސިލުން މިވަނީ މިމަޝްޜޫއުގެ މެއިން އާކިޓެކްޓް ޖޯ ޕަލްމާ ރާއްޖެ ވަރަށް އަވަހަށް އަންނާނެ ކަމަށް ބުނެފައިވާ ވީޑިއޯއެއް އާންމުކޮށްފައެވެ. މިގޮތުން އޭނާ ވަނީ ރާއްޖޭގެ ސަރުކާރަށާއި އައްޑޫސިޓީ ކައުންސިލަށް މިމަޝްރޫޢުގެ ކަންކަމުގައި ދެއްވާ އެއްބާރުލުމަށް ޝުކުރު އަދާކޮށްފައެވެ. އަދި މަޝްރޫޢު ކުރިއަށް ގެންދިއުމާއި ގުޅޭ މަޝްވަރާތަކަށް ވަރަށް އަވަހަށް އެ މީހުންގެ ޓީމެއް އަންނާނެ ކަމަށް ވަނީ ވިދާޅުވެފައެވެ.
Highlights from the meeting regarding development of World Sports City (WSC) MANTA Surf Village at Addu City.
World Sports City (WSC) MANTA Surf Village is a new development project in Maldives that aims to create a global surfing hub, culture, and entertainment. 1/3 pic.twitter.com/4TbJUijUdg
— Addu City Council (@AdduCityCouncil) April 3, 2023
މި މަޝްރުޢޫއާ ގުޅޭ ގޮތުން އައްޑޫ ސިޓީ ކައުންސިލުން ބުނެފައިވަނީ، މިމަޝްރޫޢު އައްޑޫސިޓީ ކައުންސިލަށް ތަންކޮޅެއް ކުރިންވެސް ހުށަހެޅުމެއް ލިބުނު ކަމަށެވެ. ނަމަވެސް އޭރު އެމީހުން ބޭނުންވީ ވަރަށް ބޮޑު ރަށެއް ތަރައްޤީ ކުރުމަށް ކަމަށާއި އެވަރު ރާއްޖޭގައި ނުވާނެ ކަމަށް ކައުންސިލުން އެނގުމުން މަޝްރޫޢު ސްކޭލް ޑައުންކޮށް ރާއްޖޭގެ މާހައުލާއި ގުޅޭގޮތުން އަލުން އެމީހުން ހުށަހެޅީ ކަމަށެވެ.
މި މަޝްރޫޢު އަކީ މިވަގުތު ހަމައެކަނި ކޮންސެޕްޓް ހުށަހެޅި، މަޝްވަރާ ކުރެވެމުންދާ މަޝްރޫޢެއް ކަން ކައުންސިލުން ވަނީ ފާހަގަކޮށްފައެވެ.