އެމެރިކާގެ މަޝްހޫރު ގޯލްފް ތަރި ޓައިގާ ވުޑްސް މީގެ 27 އަހަރު ކުރިން ކުއްޖަކަށް ހަދިޔާއަކަށް ދިން ގޯލްފް ބޯޅައަކަށް ނީލަމެއްގައި 64،000 ޑޮލަރު ލިބިއްޖެ އެވެ.
މި ބޯޅަ އަކީ 1997 ގެ މާސްޓާސްގައި، އޭރު 9 އަހަރުގެ ފިރިހެން ކުއްޖެއް ކަމަށްވާ އަދި މިހާރު 35 އަހަރުގެ ޖޫލިއަން ނެގްޒެން އަށް ވުޑްސް ދިން ބޯޅައެކެވެ. އެ ފަހަރު އެ މުބާރާތަކީ މިހާރު އުމުރުން 47 އަހަރުގެ ވުޑްސް ބޮޑު މުބާރާތެއް ކާމިޔާބުކުރި ފުރަތަމަ ފަހަރެވެ. އަދި އެ މުބާރާތަކީ މާސްޓާސް ޗެމްޕިއަންކަން އޭނަ އެންމެ ޒުވާން ކުޅުންތެރިޔާ ޝަރަފު ވެސް ވުޑްސް އަށް ލިބުނު މުބާރާތެކެވެ. އެ މުބާރާތުގައި އޭނަ ވާދަކުރި އިރު، އުމުރަކީ 22 އެވެ.
During his final round at the 1997 Masters, Tiger handed a used golf ball to a 9-year-old boy between the 5th & 6th holes.
That boy, now a 35 year old man, consigned that ball to @GoldenAgeBid and it sold last night for $64,124, the second highest price ever paid for a golf… pic.twitter.com/lDDl5UEht8
— Darren Rovell (@darrenrovell) April 9, 2023
ގޯލްފް ކެރިއަރުގެ ކާމިޔާބީގެ ފޮނި ރަހަ ވުޑްސް އަށް ލައްވައި ދިން މުބާރާތުގެ ފައިނަލް ރައުންޑްފައު ބޭނުން ކުރި ބޯޅަ ވިއްކައިލީ މިދިޔަ މަހުގެ 27 ގައި ގޯލްޑް އޭޖް އޯކްޝަންސް އިން ހުޅުވާލި ނީލަމެއްގަ އެވެ. އޭގެ ފެށޭ އަގަކަށް 500 ޑޮލަރު ހުށަހަޅާފައި ވަނިކޮށް އިއްޔެ، ބޯޅަ ވިކުނީ ޖުމް 64,124.40 ޑޮލަރު (984,950.78ރ.) އަށެވެ.
މި އަގަކީ މިހާތަނަށް ގޯލްފް ބޯޅައަކަށް ދެވަނަ އަށް ލިބުނު އެންމެ ބޮޑު އަގެވެ.
މާސްޓާސްގައި ވުޑްސް ބޭނުންކުރި ބޯޅައެއް ބޮޑު އަގުގައި ވިކުނު އިރު މިހާރު ކުރިއަށްދާ މާސްޓާސް އިން އޭނަ އަށް ވަނީ އަނިޔާއާ ހެދި ވަކިވާން ޖެހިފަ އެވެ. އޭނަ އަކީ ގޯލްފްގައި ދުނިޔޭގައި އެންމެ ފާހަގަކޮށްލެވޭ އެއް ޝަހުސިއްޔަތެވެ.