ކުރީގެ ރައީސް އަބްދުﷲ ޔާމީންގެ ވެރިކަމުގައި ހިންގި ވައްކަމާއި ކޮރަޕްޝަނަށް ވުރެ މި ސަރުކާރުން ހިންގި ކޮރަޕްޝަން ދެގުނަ އިތުރު ކަމަށް ރައްޔިތުންގެ މަޖިލީހުގެ ތޮއްޑޫ ދާއިރާގެ މެމްބަރު ހަސަން ޝިޔާން ވިދާޅުވެއްޖެ އެވެ.
އެމްޑީޕީގެ ރައީސް މުހައްމަދު ނަޝީދުގެ ފަޅީގައި ހުންނަވައިގެން ރައީސް އިބްރާހީމް މުހައްމަދު ސޯލިހާއި ސަރުކާރަށް މިހާރު ފާޑު ވިދާޅުވަމުން ގެންދަވާ މެމްބަރުންގެ ތެރޭގައި ހިމެނޭ ޝިޔާން ކުރެއްވި ޓްވީޓެއްގައި ވިދާޅުވީ ރަނގަޅަށް ވަކިވަކިން ހުރިހާ ދިމާއަކަށް ބަލައިލީމާ ފެންނަން އޮތީ މި ސަރުކާރުގެ ކޮރަޕްޝަން ދެގުނަވެފައި އޮތްތަން ކަމަށެވެ.
Rangalhah vaki vakin dhima dhimaa balaaleema fennan mi othee RY verikamah vure mi verikamuga hingi corruption 2 guna vejje kan , SOE thakun dheguna vahkkan hingaafikan . dhaulathah RY verikamuga hingi kankamuge loa laari aeives anburaa nuhoadhi RJ @ibusolih fail vefavaathan
— Hassan Shiyan (@HassanShiyaan) April 10, 2023
"ފެންނަން އޮތީ އެސްއޯއީތަކުން ދެގުނަ ވައްކަން ހިންގައިފިކަން. ދައުލަތަށް ރައީސް ޔާމީންގެ ވެރިކަމުގައި ހިންގި ކަންކަމުގެ ލޯލާރި އެއް ވެސް ހޯދައި ނުދެވި ރައީސް ސޯލިހު ފެއިލްވެފައި ތަން." އެމްއެމްޕީއާރްސީގެ ކޮރަޕްޝަނަށް އިޝާރާތް ކުރައްވައި އޭނަ ވިދާޅުވި އެވެ.
ޝިޔާންގެ އިތުރުން ވެސް ނަޝީދުގެ ފަޅީގައި ތިބި ވަރަށް ގިނަ ބަޔަކު ރައީސް ސޯލިހުގެ ސަރުކާރަށް ވައްކާއި ކޮރަޕްޝަންގެ ގިނަ ތުހުމަތުތައް ކުރެ އެވެ.
ނަމަވެސް ރައީސާއި ސަރުކާރުން ވެސް ބުނަމުން އަންނަނީ މިއީ ކޮރަޕްޝަނަށް "ޒީރޯ ޓޮލެރެންސް" ގެންގުޅޭ ސަރުކާރެއް ކަމަށެވެ.