ރޯދަ މަހުގެ ރޭތައް އިހުޔާކުރަން އިސްލާމިކް މިނިސްޓްރީން މި ރޯދަ މަހު ބާއްވަމުން އައި އިހުޔާ ޕްރޮގްރާމްގެ ފަހު ފޯރަމް މިރޭ ބާއްވަން ނިންމައިފި އެވެ.
އިސްލާމީ މަރުކަޒުގައި ބާއްވާ އެ ފޯރަމްގެ މައުޟޫ އަކީ "ފާފަ ފުއްސެވުމުގައި ﷲ ގެ އޯގާވަންތަވެރިކަން" އެވެ. މި މައުޟޫ އަށް ފޯރަމްގައި ތަގުރީރު ކުރައްވާނީ ޑރ. އަބްދުއްސައްތާރު އަބްދުއް ރަހުމާނެވެ.
ރޯދަ މަހުގެ ރޭތައް އިހުޔާކުރަން މިރޭ ބާއްވ ފޯރަމަކީ މި އަހަރުގެ 16 ވަނަ ފޯރަމެވެ. ފޯރަމްތައް މާލޭގެ އިތުރުން އަތޮޅު ތެރޭގައި ވެސް ބާއްވާފައިވެ އެވެ. އެގޮތުން 7 ރަށެއްގައި ފޯރަމް ބޭއްވި އެވެ. އެއީ އައްޑޫ ހިތަދޫ، ހދ. ކުޅުދުއްފުށި، ޅަ. ނައިފަރު، ރ. ދުވާފަރު، ހއ. ހޯރަފުށި، ގދ. ތިނަދޫގެ އިތުރުން ފުވައްމުލަކެވެ.
މި ފަހަރު ސްކޫލް ދަރިވަރުންގެ ފޯރަމްތަކެއް ވެސް އިސްލާމިކް މިނިސްޓްރީން ބޭއްވި އެވެ.