ސްޓޭޓް ޓްރޭޑިންގް އޯގަނައިޒޭޝަން (އެސްޓީއޯ) ގެ ހިއްސާއަކަށް މިއަހަރު 77ރ. ބަހަން އާންމު ޖަލްސާއަށް ހުށަހެޅުމަށް ކުންފުނީގެ ބޯޑުން ފާސްކޮށްފި އެވެ.
އެސްޓީއޯއަށް މިދިޔަ އަހަރު ލިބުނު ފައިދާގެ ތެރެއިން ހިއްސާއަކަށް 77ރ. ބަހަން ނިންމާފައިވާއިރު މިއީ މިދިޔަ އަހަރަށް ވުރެ 12ރ. އިތުރު އަދަދެކެވެ. އެކުންފުނީގެ އަހަރީ އާންމު ޖަލްސާގައި މިދިޔަ އަހަރު ހިއްސާއަކަށް ބަހަން ނިންމާފައިވަނީ 65ރ. އެވެ. އަދި އޭގެ ކުރިން 2021 ވަނަ އަހަރު ހިއްސާއަކަށް ބަހާފައިވަނީ 60ރ. އެވެ.
Attention all Shareholders! Our Board of Directors have decided to propose a dividend of MVR77 per share for the year 2022. This proposal will be presented at our upcoming Annual General Meeting for approval. Stay tuned for more updates on #AGM2022!https://t.co/whxu3J3crf
— STO (@stoplc) April 27, 2023
އެސްޓީއޯގެ ބޯޑުން 77ރ. ހިއްސާއަކަށް ބަހަން ނިންމާފައިވާއިރު މިއަހަރު އަހަރީ އާންމު ޖަލްސާއަށް މި އަދަދު ބެހުމަށް ހުށަހަޅާނެއެވެ. ހިއްސާގެ ފައިދާ ބަހާނީ އަހަރީ އާންމު ޖަލްސާއިން ފާސްވުމުންނެވެ.
އެސްޓީއޯގެ 4 ވަނަ ކުއާޓާގެ އޮޑިޓް ނުކުރާ ރިޕޯޓް ދައްކާގޮތުން އެކުންފުންޏަށް 2022 ވަނަ އަހަރު 18.2 ބިލިއަން ރުފިޔާގެ އާމްދަނީއެއް ވަނީ ލިބިފައެވެ. އަދި ސާފު ފައިދާގެ ގޮތުގައި 742 މިލިއަން ރުފިޔާ ވަނީ ލިބިފައެވެ.