މިހާތަނަަށް އެންމެ ގިނަ ޖަވާހިރު ޖެހި އަނގޮޓި ހަދައިގެން އިންޑިއާ އިން މިދިޔަ އަަހަރު ހަދާފައި އޮތް ރެކޯޑް އެ ގައުމުން އާ އަނގޮޓިއަކާ އެކީ އާކޮށްފި އެވެ.
އެ ގައުމުގެ ކުންފުންޏެއް ކަމަށްވާ އެޗްކޭ ޑިޒައިންސް އާއި ހަރީ ކްރިޝްނާ އެކްސްޕޯޓްސް ޕްރައިވެޓް ލިމިޓެޑްގެ މި އަނގޮޓީގައި ޖުމްލަ 50،907 ޖަވާހިރު ހިމެނެ އެވެ. މަލެއްގެ މަތީގައި ކޮކާލެއް އިންނަ ގޮތަށް އަދި ރިއްސާއި ރަން ކުލައިން ހަދާފައިވާ މި އަނގޮޓި އަށް ގިނިސް ވޯލްޑް ރެކޯޑުން މިހާރު ވަނީ އެންމެ ގިނަ ޖަވާހިރު ޖެހި އަނގޮޓީގެ ރެކޯޑް ރަސްމީކޮށް ދީފަ އެވެ.
New record: Most diamonds set in one ring – 50,907 achieved by H.K. Designs and Hari Krishna Exports Pvt. Ltd. (India)
Incredibly, the ring is made entirely out of recycled materials. Recycled gold was mixed with re-purposed diamonds to create this magnificent piece 💍 pic.twitter.com/xCiT9gEilH
— Guinness World Records (@GWR) April 28, 2023
މި އަނގޮޓި އުފައްދާފައި ވަނީ ރީސައިކަލްކުރި ރަނާއި އަލުން "މަށާފައިވާ" ކުދިކުދި ޖަވާހިރުތަކުންނެވެ. އަނގޮޓީގެ ބަރުދަނަކީ 460.55 ގްރާމެވެ.
އެންމެ ގިނަ ޖަވާހިރު ޖެހި އަނގޮޓީގެ ރެކޯޑް މިދިޔަ އަހަރު ހޯދި އަނގޮޓީގައި އިނީ 24،679 ޖަވާހިރެވެ. އެ އަނގޮޓި އަކީ އިންޑިއގެ ކުންފުންޏެއް ކަމަށްވާ އެސްޑަބްލިއުއޭ ޑައިމަންޑްސްގެ އުފެއްދުމެކެވެ.