މޯލްޑިވްސް މީޑިއާ ކައުންސިލް (އެމްއެމްސީ) އަށް ތިން މެމްބަރަކު މިއަދު އިންތިހާބުކޮށްފި އެވެ.
އިންތިޚާބުގެ ވޯޓުލުން ކުރިއަށް ގެންގޮސްފައި ވަނީ މިއަދު ހެނދުނު 10:00 އިން 11:00 އަށް ވެލާނާގެ ގްރައުންޑް ފްލޯގަ އެވެ.
މިއަދު އިންތިހާބުކުރީ މީޑިއާތައް ތަމްސީލު ކުރާނެ މެންބަރަކާއި އާންމުންގެ ތެރެއިން ދެ މެންބަރެކެވެ. މީޑިއާތައް ތަމްސީލު ކުރުމަށް އިންތިޚާބުގައި ވާދަކޮށް ކާމިޔާބުކުރީ ޚަބަރު އޮންލައިން އިން ވާދަކުރި އަލީ އާދަމްއެވެ. އޭނަ އަށް 64 ވޯޓު ލިބުނެވެ.
މީޑިއާ ކައުންސިލްގެ ބައި އިލެކްޝަންގެ ވޯޓުލުން: ވޯޓުލުމުގެ ކިއު ބަންދު ކުރުމުގެ އެންމެ ފަހުވަގުތަކީ 11:00. pic.twitter.com/FymD9uxrSm
— Home Ministry, MV (@HomeMinistrymv) April 29, 2023
އާންމުންގެ ތެރެއިން އެމްއެމްސީ އަށް އިންތިޚާބުވީ 49 ވޯޓު ލިބިގެން ފ. ބިލެތްދޫ، ބަސީރީ ހިޔާ، ޖައިލަމް ތައުފީގާއި 43 ވޯޓު ލިބިގެން ފ. ދަރަނބޫދޫ، ރޯޝަނީގެ، އަލީ އިސްމާއީލެވެ.
މިއަދު ބޭއްވި އިންތިޚާބުގައި ވޯޓުލުމަށްޓަކައި 85 މީޑިއާއަކުން ރަޖީސްޓްރީކޮށް 72 މީޑިއާއަކުން ވޯޓްލި އެވެ.
މޯލްޑިވްސް މީޑިއާ ކައުންސިލަށް 3 މެންބަރުން އިންތިޚާބު ކުރުމަށް ބާއްވާ އިންތިޚާބުގެ ވޯޓުލުން ވެލާނާގެ ގްރައުންޑް ފްލޯގައި ފެށިގެން ކުރިއަށް އެބަދޭ. މި އިންތިޚާބުގައި މީޑިއާތައް ތަމްސީލް ކުރައްވާ މެންބަރަކާއި އާންމުންގެ ތެރެއިން 2 މެންބަރުން އިންތިޚާބުކުރުމަށް ވަނީ ހަމަޖެހިފަ. pic.twitter.com/Tkn0Oo2EgE
— Home Ministry, MV (@HomeMinistrymv) April 29, 2023
އެމްއެމްސީގެ ބައި-އިލެކްޝަން މިއަދު ބޭއްވީ އެ ކައުންސިލްގެ ދެ މެމްބަރަކު މަގާމުން އިސްތިއުފާ ދިނުމާއި އެއް މެމްބަރެއްގެ ދައުރު ހަމަވެފައިވާތީ އެވެ.
އެމްއެމްސީގެ މެންބަރުންގެ ދައުރުގެ މުއްދަތަކީ ދެ އަހަރެވެ.