އެއްވެސް ކަމެއް ކުރާކަށް ބަތަލާ އައިޝްވާރިއާ ރާއީ އަށް ފިރިމީހާގެ ހުއްދައެއް ބޭނުން ނުވާނެ ކަމަށް އޭނަގެ ފިރިމީހާ އަބީޝެކް ބައްޗަން ބުނެފި އެވެ.
އޭނަ މިހެން ބުނީ މިދިޔަ ހުކުރު ދުވަހު ރިލީޒްކުރި އައިޝްވާރިއާގެ އެންމެ ފަހުގެ ފިލްމު "ޕޮނިޔިން ސެލްވަން (ޕީއެސް) 2" ބަލާފައި އެ ފިލްމަށް ތައުރީފުކޮށް އަދި އެއީ އަންހެނުންގެ އެންމެ މޮޅު ފިލްމު ކަމަށް ބުނެ ކުރި ޓްވީޓަކާ ގުޅިގެން މީހަކު ބުނި އެއްޗަކާ ގުޅިގެންނެވެ.
#PS2 is simply FANTASTIC!!!
At a loss for words right now. So overwhelmed. Well done to the entire team #ManiRatnam @chiyaan @trishtrashers @actor_jayamravi @Karthi_Offl and the rest of the cast and crew. And so, so proud of the Mrs. Her best by far. #AishwaryaRaiBachchan— Abhishek 𝐁𝐚𝐜𝐡𝐜𝐡𝐚𝐧 (@juniorbachchan) April 29, 2023
އެގޮތުން އަންޕެއިންޑް ޕީއެސް2 މާކެޓިން މެނޭޖަރުގެ ނަމުގައި ހަދާފައިވާ ޓްވީޓަކުން ބުނީ އެހެން ވިއްޔާ އައިޝްވާރިއާ ގިނަ ފިލްމުތަކަށް ސޮއިކުރަން ފުރުސަތު ދޭން ޖެހޭ ކަމަށެވެ. އަދި އަބީޝެކް ދަރިފުޅު ބަލަން އެދިފައިވެ އެވެ. އޭގެ ރައްދުގައި އަބީޝެކް ބުނީ އެއްވެސް ކަމެއް ކުރަން އައިޝްވާރިއާ އަށް އޭނަގެ ހުއްދައެއް ބޭނުން ނުވާ ކަމަށެވެ.
"ހާއްސަކޮށް އޭނަ ލޯބިކުރާ ކޮންމެ ކަމެއް ކުރެވޭނެ." އަބީޝެކް ބުންޏެވެ.
Let her sign??? Sir, she certainly doesn’t need my permission to do anything. Especially something she loves.
— Abhishek 𝐁𝐚𝐜𝐡𝐜𝐡𝐚𝐧 (@juniorbachchan) April 29, 2023
އައިޝްވާރިއާ ފަހަކަށް އައިސް ފިލްމުތަކުން ފެންނަލެއް މަދުކަމުން ފޭނުން ވަރަށް ގިނައިން ޝަކުވާކުރެ އެވެ. ކުރީގެ ކާމިޔާބު ފިލްމުތެއް ކުޅެފައިވާ ބަތަލާގެ އެންމެ ފަހުގެ ބޮލީވުޑްގެ ފިލްމަކީ 2016 ގެ "އޭ ދިލް ހެ މުޝްކިލް" އެވެ. "ޕީއެސް 1" އާއި "ޕީއެސް 2" އަކީ އެ ފިލްމުގެ ފަހުން އައިޝްވާރިއާ ކުޅުނު ފިލްމެވެ. މި ތަމަޅަ ފިލްމުގެ ފުރަތަަމަ ބައި ރިލީޒްކުރީ މިދިޔަ އަހަރު އެވެ.
އައިޝްވާރިއާގެ ކެރިއަރުގެ އެންމެ ފާހަގަކޮށްލެވޭ ފިލްމުތަކަކީ 1999 ގެ "ހަމް ދިލް ދޭ ޗުކޭ ސަނަމް" އާއި އެ އަހަރުގެ "ތާލް" ގެ އިތުރުން 2002 ގެ "ދޭވްދާސް" ގެ އިތުރުން 2006 ގެ "ދޫމް 2" އެވެ.
އައިޝްވާރިއާ އާއި އަބީޝެކް ކައިވެނިކުރީ 2007 ގަ އެވެ. އެ މީހުންގެ ދަރިފުޅު އާރަދިއާ ބައްޗަނަށް މިހާރު 11 އަހަރު އެވެ.